Popular Bible Verses from 5. Mojžišoskro 10

Share

Izraelona, so tutar akana kamel o RAJ, tiro Del? Ča ada, hoj te daras le RAJESTAR, te phires pal savore leskre droma, te kames les, te služines leske cale jileha the dušaha a te doľikeres leskre zakoni the prikazaňja, so tuke adadžives dav, hoj mištes te džives.

Se o RAJ, tumaro Del, hino RAJ pre rajende the Del pre devlende. Hino baro, zoralo the užasno, na chudel paš ňikaste buter a na del pes te prepočinel.

Vašoda akanastar obrezinen tumare jile a preačhen te avel zoralejileskre.

Zaačhel vaš e širota the vaš e vdova, kamel le cudzincos a del les maro the gada.

Lašaren les, bo ov hino tumaro Del a pre tumare jakha dikhľan ola bare the užasna zazraki, so prekal tumende kerďa.

Daran tumen le RAJESTAR, tumare Devlestar, leske služinen, ľikeren tumen lestar a len vera ča andre leskro nav.

Le RAJESKRO, tire Devleskro, hin o ňebos the o nekučeder ňebos, e phuv the savoro, so upre hin.

Vašoda kamen the le cudzincen, bo the tumen sanas cudzinci andro Egipt.