Popular Bible Verses from 1. Korinťanenge 15

Share

A avke, mire lačhe phralale, aven zorale! Ma den tumenca te čhalavel! A ma preačhen te barol andre buči le Rajeskri! Se tumen džanen, hoj tumari buči andro Raj nane zbitočno.

Ale paľikeras le Devleske, savo amenge del te zviťazinel prekal amaro Raj Ježiš Kristus.

Ma den tumen te klaminel: „Maškar o nalačhe manuša pes musarel o lačho charakteris.“

Ale le Devleskra milosťatar som oda, ko som, a leskri milosť mange na sas presikaďi hijaba. Se buter kerďom buči sar on savore – no oda na me, ale e milosť le Devleskri, so hiňi manca.

„Meriben, kaj hin tiro viťazstvo? Meriben, kaj hin tiri zor, savaha dukhaves?“ O meriben lel peskri zor le binostar a o binos lel peskri zor le zakonostar.

Šunen, phenava tumenge o garudo čačipen: Savore na meraha, ale savore avaha čerimen – jekhvareste, takoj, sar trubinela e posledno truba. Bo sar šunďola e truba, o mule ušťena andral o meriben a imar šoha pale na merena a amen avaha čerimen.

Bo sar avľa prekal o manuš o meriben, avke avľa prekal o manuš the o ušťiben andral o meriben. Bo sar andro Adam savore meren, avke andro Kristus ena savore obdžiďarde.

Bo oda, so kirňol, mušinel pre peste te urel oda, so na kirňol; a oda, so merel, mušinel pre peste te urel oda, so imar našťi merel.

Bo ov mušinel te kraľinel, medik leske na thovela tel o pindre savore ňeprijaťeľen. A sar o posledno ňeprijaťeľis ela zňičimen o meriben.