Popular Bible Verses from 1. Korinťanenge 12

Share

Ale andre sakoneste pes o Duchos presikavel avres pro lačho savorenge.

Tumen san le Kristoskro ťelos a sako tumendar hin leskro kotor.

A te cerpinel jekh kotor, jekhetane leha cerpinen the okla kotora; a te lašaren jekhe kotores, jekhetane leha radisaľon savore kotora.

Bo jekheske hin dino le Duchostar te vakerel o goďaveripnaskro lav; avreske hin dino o prindžaripnaskro lav ole jekhe Duchostar; avreske o pačaben ole jekhe Duchostar; avreske o dari te sasťarel ole jekhe Duchostar; avreske te kerel o zazraki; avreske te prorokinel; avreske te rozprindžarel le duchen; avreske te vakerel andre aver čhiba; a avreske te prethovel o čhiba.

Ale savoro kerel oda jekh Duchos korkoro, savo rozdel sakoneske o dari avke, sar ov kamel.

hoj te na avel andro ťelos o vesekedišagi, ale hoj pes o kotora jekh pal aver te starinen.

Bo hin ajse the kajse dari, ale o Duchos hino jekh. A hin ajse the kajse službi, ale o Raj hino jekh. A hin ajse the kajse buča, ale savoro kerel oda jekh Del andre savorende.

A o Del ačhaďa andre cirkev ešebnen le apoštolen, dujtonen le proroken, tritonen le učiťeľen, paľis olen, ko keren o zazraki, paľis olen, kas hin daros te sasťarel, te pomožinel, te starinel pes, abo te vakerel andre aver čhiba.

Se aňi o ťelos nane kerdo jekhe kotorestar, ale but kotorendar.

No ola kotora, so pes dičhol, hoj hine slabeder: Ipen len igen kampel pro ťelos.

Te uľahas calo ťelos ča e jakh, sar paľis o ťelos šaj šunďahas? Te uľahas calo ťelos ča o kan, sar paľis šaj voňinďahas? Vašoda sthoďa o Del savore kotora pro ťelos avke, sar ov kamľa. Te uľahas savore kotora ča jekhe kotorestar, kaj uľahas calo ťelos?