Popular Bible Verses from KASAUKAN 50

Share

Nangatang kau mambaal ra kalaatan raki', kaa' kalaatan no kinulau ri Aki Kapuuno' ra kaansayan, maa' raginio atan ondo' nasauk ra galing i mamayag ra masuang ulun ondo' mainono' ra raino ti.

Kaa' kon ri Jusup risilo, “Pai' kano kalaa' sabap ra kalo makatimbalos aku koson ri Aki Kapuuno'.

Pai' kano pagalabo, alungin takamin mabaya' ra anak-anak min.” Ginii noyo i Jusup nanimayo ra pagaka'-pagaka' nano ra ragu molomoi saboi guang nilo nabinsaluyan.

nambilin io ramon mambala' rirun, ‘Ampuno' noyo kalaatan ondo' binaal ru pagaka'-pagaka' muno ragili.’ Raino, ampuno' noyo kasalaan mai, ra akai ti ulipon ri Aki Kapuuno' ondo' sambaan ru ama' takali.” Nantangi' i Jusup nakaapu ra bilin no.

Indagu i Jusup ra pagaka'-pagaka' nano, “Mamaar noyo patayan kuno, kaa' i Aki Kapuuno' magalung ramuyun am magibit ramuyun mingkual intor ra pagun ti am mongoi ra pagun ondo' binantu' Nano ri Abragam, i Isak am i Jakub.”

Pagiboto' boo ri Jusup ngaangai' pabukat nano, kono, “Pabantu' kano raki', ra paat ri Aki Kapuuno' magibit ramuyun ra tana' nabantuan i, ibiton min niayuk baangkai kutu mababaya' ramuyun.”

Patoi boo i Jusup giu' ra Misir am umur nano maatus am mopor ngambilor. Lataki' nilo baangkai nano ra tutuu' maamis owou am pasuango' ra karanda'.