Popular Bible Verses from KASAUKAN 35

Share

Indagu poyo i Aki Kapuuno', “Aku noyo i Aki Kapuuno' Ondo' Maayo Kaga' Kuasa'. Pakaanak no ra masuang. Papag muno intaran ru bansa'-bansa' am masauk kou ra kinamatuaan ru raja'-raja'. Pagun ra nakataak Ku noyo ri Abragam am i Isak, pataakon Ku rirun am ra papag muno.”

Iruanin takau intok ragitio am mongoi ra Bitil. Giu' no mambaal aku ra rondo' altar ri Aki Kapuuno' ondo' nangindangan raki', paat ra aku makakapaganan am ondo' nagalung raki' ra ati ayuk angayan kuli.”

Indagu i Aki Kapuuno' riso, “Inggalan muno i Jakub, kaa' intor raino piawon kou ri Israil.” Ginio ra inggalani' io ri Aki Kapuuno' ri Israil.

Indagu boo i Jakub ra ulun ru baloi nano am ra ngaangai' ulun nababaya' riso no, “Patiri' min noyo sinungkalalaing intor ra bansa' ru bokon ondo' binulian min, kapasawo' min guang am pambayang kano ra bayang moonsoi.

Indagu i Aki Kapuuno' ri Jakub, “Jakub, Aku noyo i Aki Kapuuno' ondo' minintalang rirun paat ra okou nagiru' intor ri Isau maayo muli. Ongoi noyo ra Bitil, ayan ra giu' am pambaal ra rondo' altar Raki'.”

Kaa' patayan ri Ragil nasuku' noyo, am paat ra io matipamukat, inggalani' no anak no i Binoni, kaa' inggalani' ri Jakub i Binjamin.