Popular Bible Verses from 1 KORINTUS 3

Share

Kalo kia nakapandai kau ra akau koson ra baloi ri Aki Kapuuno' am Ambiluo Nano sumimpung ramuyun.

Sabap ri Aki Kapuuno' galama' nangatang ri Jisus Kristus ti rorondo' ayuk puun ru panambalayan no.

Sala' ka ulun ondo' mantanom kapoam manguas no maatang. Kaa' i Aki Kapuuno' ayuk maatang, sabap ra Io noyo mapatuu' ra tatanom no.

Akai masisinggau' mangandoi ri Aki Kapuuno'; am akau koson ra umo Nano. Koson ra tinambalayan kau niayuk ri Aki Kapuuno'.

Kaa' bonsoi ru kandoi ru moonong ulun no makito niayuk paat ra orou ratangan saguli' ri Kristus. Sabap ra paat raginio, kandoi ru moonong ulun makito am bonsoi ru kandoi nano pana kinamin ru apui.

Ginio ra ondo' mantanom am ondo' manguas mogondo' ayuk; sabap ri Aki Kapuuno' mangani' ra ampos ra moonong ulun sumugut ra kandoi nilono sigagama'.

Pai' sasangulun pana miruruung galama'. Amon ru mokoondo' intor ramuyun makapangkaraan ra mapintar io sumugut ra pagilangan ru ulun ru tana' ti, moonsoi ulun no mangkara' ra io sasambungon, am maa' raginio totopot io mapintar.