Popular Bible Verses from Leveleseni 17

Share

Amiteꞌya ani Sauve vayaꞌmoꞌyaene kefo afai afuene ali nagopi ataleꞌya Sipi sipi nafaꞌnenema tuma hisayana Sipi sipi nafaꞌnemoꞌa, ala kava veaꞌmogamina kavaꞌami maineanagino ala Sauve veaꞌmogamina ala Sauve kanoꞌami mainea yafe ani luma hisayana amakaila amakasegahie. ‘Nagaitega eho.’ hunoꞌma huyogi-malenea veaꞌmoꞌya mukiꞌa kanafina efi efi huꞌya agai kema akave nemalaya veaꞌnene Sipi sipi nafaꞌnene ailokaeꞌya maineꞌya ani luma hisayana amakasegahae.” huno ani ensole kanomoꞌa higeꞌna havimainoe.

Seveniꞌa (7) yopa atafa hulinaya ensole vayapiti nagoke ensole kanomoꞌa eaꞌamo nagaifena mage huno hie “Kagaya male egeꞌna kavelino. Ma kumai aꞌmoꞌa, timona avoyalega ala kumate mainea aꞌmoꞌa, kefo yamaꞌamo anonaꞌa alisia yafena nagaya kaveligahue.

Agana kefo afai afumoꞌa nayona maineanagino meni kanafina ago fali-maineanagino haenagaꞌa ayoꞌma omale komufitila hetino ataleno ehaisiaꞌamo hani yapima tegelege nehia atafina agola umaigahie. Umaigahianagi Anumaya Kotiꞌa ma mopa taloma ohunea kanafima hanea avopina, maige maige hisaya hamaimuꞌma hanea veaꞌmogami amakima kae-malenea avopina, ma mopafi mainaya veaꞌnea amakima okaenea veaꞌmoꞌya ani kefo afai afuma agesayana atali huꞌya tusiꞌa amamaꞌyo aigahie. Ani afua nayona maineanagino menia ago fali-maineanagino haenagaꞌa eteno evaꞌyi hisia afai afue.

Ani aꞌmo hanilela agaiꞌa agia avame kea mage huꞌya kae-malenae “Papilonia ala kumateꞌma mukiꞌa kumai yama nehaya yaꞌene ma mopafima kefo yama nehaya yaꞌenena itaꞌamoꞌe.” huno kae-malene.