Popular Bible Verses from Leveleseni 10

Share

Huteno mage hie “Haimuꞌene kanogino Anumaya Kotiꞌa mukiꞌa kanafina maige maige huno ikaꞌene ikapinaga hanea yaꞌene mopaene mopafima hanea yaꞌene hageliꞌene hagelipima hanea yaꞌyagaene talo hu-malenea kanomo agile tamage nehue. Anumaya Kotiꞌa nagoꞌene agava omaigahigi seveni (7) molia ensole kanomoꞌa agaiꞌa ufena hugahe nehinageno Anumaya Kotiꞌa nayoma falakino hanea kea, agaiꞌa aliꞌyama ali-mainaya amaune vayaꞌma hamapai-mainea kemoꞌa falote huno tamage hugahie.” huno hie.

Higeꞌya Yoninia mage huꞌya nahapaiye “Kagaya nagoꞌene alu amaugafa kalimai veaꞌnene, alu kote kote mainaya veaꞌnene, alu make lu make neꞌaiya veaꞌnene ala sauve veaꞌnenefena kaune kea laga huka hamapaigane.” huno nahapaiye.

Anile nagaya Yoniꞌna agoana nagola tokiyaꞌage ensole kanoa ikapinagati elavino egeꞌna age-mainoe. Ani ensole kanomo augafamona siaꞌmoꞌa alino anoꞌvai-tegeno anutela fulagenaꞌmoꞌa maleno kagi-mainegeno augosamoꞌa yagemoꞌma hia kava huno aivasa nehigeno tole aiyamoꞌa ata anefeꞌmo nehia tunage yosa kana nehigeno emaine.

Higeꞌna ani ensole kanomote vuaꞌamoꞌna mage huꞌna hue “Kagaya ani osi avo omana namio.” huꞌna hugeno mage huno nahapaiye “Kagaya alika no. Nesanana kavayafina tumemo timoꞌma hia kava huno hagaꞌage hugahianagi nakaisanana kaipafinaga atuꞌage hugahie.” huno hie. Higeꞌna ani osi avona ensole kanomo ayapiti aliꞌna nogeno navayafinaga tumemo timoꞌma hia avamete huno hagaꞌage hianagi neꞌnama nakauvana naipafinaga atuꞌage humaine.