Popular Bible Verses from Matayo 18

Nkaambo nkubabede bantu bobile nanka botatwe babungene muzina lyangu, nkukonya oko nkumbede ambebo akati kabo.

Alimwi ndamwaambila kuti bantu bobile akati kanu nimukala ansi nibazuminana antoomwe kukukumbila makani aali buti, banoopegwa kwa-Taata uuli kujulu.

Mpawo wakaita kana, wakakaimikizya akati kabo, wakati, Ncobeni ndamwaambila kuti, Mwataakusanduka akuba mbuli twana, tamukooyoonjila pe mu-Bwami bwakujulu.

Nkaambo kaako umwi aumwi uulibombya mbuli kana aka nguwenya uuzooba mupati mu-Bwami bwakujulu.

Alimwi umwi aumwi uutambula kana nikaba komwe kali boobu muzina lyangu watambula ndime.

Ncobeni ndamwaambila kuti zyoonse nzimuti kaange ansi ziyooangwa kujulu, azyalo zyoonse nzimuti kaangulule ansi ziyooangululwa kujulu.

Mbubonya obo alakwe Taata uuli kujulu mbwazoomucitila nywebo kuti tamulekeleli nyoonse bakwanu camumyoyo yanu.

Pele umwi aumwi uulebya naba omwe akati kabaniini aba basyoma ndime, kulabota kulinguwe kuti aangwe iziyo ipati kunsingo yakwe akubbizigwa mumaanzi malamfu aamulwizi.

Muyeeyanzi? muntu kajisi imbelele zili mwaanda, nkabela imwi akati kazyo yapambuka, sa tasii zili makumi aali musanu aane aali amusanu azine kuti aye azilundu, ayandaule eyo iipambukide.