Popular Bible Verses from Isaya 59

Share

Pele milandu yanu njeyamwaandaanya a-Leza wanu, azibi zyanu nzezyamusisila busyu bwakwe, aboobo taswiilili.

Amubone! Ijanza lya-Jehova talina kufwinsigwa pe, licikonzya kufutula. Akwalo kutwi kwakwe takulemi pe, kucikonzya kuswiilila.

Lino mebo, nceeci cizuminano cangu ncenti tange abo, mbwaamba Jehova. Muuya wangu uukede alinduwe, amajwi aangu ngendibikide mumulomo wako, taakooyoomana mumulomo wako amumulomo walunyungu lwako amumulomo walunyungu lwalunyungu lwako, mbwaamba Jehova, kuzwa kuciindi ecino mane kukabe kutamani.

Aboobo bantu bazwa kububbila bayoolemeka izina lya-Jehova, abaabo bali kubuzwezuba bayooyoowa bulemu bwakwe, nkaambo uyoosika mbuli mulonga uupoomoka nguubinzya muuwo wa-Jehova.

Munununi uyoosika ku-Zioni akulibaabo baleka zibi zyabo muluzubo lwa-Jakobo, mbwaamba Jehova.