Popular Bible Verses from Ezekieli 2

Share

Mpoonya awo, naakandaambila, muuya wakanjila mulindime, wandiimikizya, lino ndakamvwa mbwaakali kwaambaula ambebo. Wakandaambila kuti, O mwana a-muntu, ndakutuma kubana ba-Israyeli, kuluzubo lwabasicinguni bandipapila. Bandibisizya, balo abamawisaabo boonse, mane kusikila kubuzuba obuno.

Uleelede kubaambila majwi aangu, na balamvwa na balakaka, nkaambo nduzubo lukataazya. Pele uwe, O mwana amuntu, swiilila ncindakwaambila. Utakataazyi uwe mbuli luzubo olo lukataazya. Asamika mulomo wako, ulye ncendi mukukupa.

Ambweni bayooswiilila, ambweni bayookaka (nkaambo mbana baluzubo lukataazya), nekubaboobo bayooziba kuti kwaba musinsimi akati kabo.