Popular Bible Verses from 2 Bami 2

Share

Lino nibakamana kuzubuka, Eliya wakaambila Elisha kuti, Kumbila ncoyanda kuti nkucitile, nentana kutolwa kuzwa kulinduwe. Nkabela Elisha wakaamba kuti, Ndakumbila kuti nkaabilwe caabilo camuuya wako acabili.

Lino nibakacili kuya bweenda akwaambaula, kwakaboneka inkalaki yamulilo amabbiza aamulilo, yakabaanzaanya. Mpawo Eliya wakatanta mukambizi kuya kujulu.

Wakavuwa kuti, Cintu ncokumbila nciyumu, nekubaboobo na undibone nensi tolwe kuzwa kulinduwe, cilaba mbubonya, pele kuti utandibone, tacikooyooba obo pe.

Mpawo wakabweza cikobela ca-Eliya cakamuloka, wacuumya maanzi, wati, Uli kuli-Jehova Leza wa-Eliya? Nkabela naakamana kuuma maanzi, maanzi akaandaanisigwa kumwi akumwi, aboobo Elisha wakazubuka.

Nkabela Elisha naakabona, wakalila kuti, Taata! Taata! Inkalaki zya-Israyeli abasimbizi bazyo! Lino taakwe naakamubona limbi. Nkabela wakajata zyakusama zyakwe, wazizapaula muzipanzi zyobile.

Lino Eliya wakabweza cikobela cakwe, wacivunga, wacuumya maanzi, nkabela mpawo maanzi akaandaanisigwa kumwi akumwi, aboobo bakazubuka boonse bobile mutala cakweenda ansi.

Lino Jehova naakayanda kutola Eliya kujulu mukambizi, Eliya aElisha bakanyamuka kuzwa ku-Giligala.