Popular Bible Verses from Tito 3

Share

Anu Anutu memengerecnina, yeac danggunuc nga ubaefacngo didiu fingectegeru yeng dzuacnunuu Tiri Asungo ua meu fingec fingec gboria fingering. Ye ua gombunga meinggac amma mi mengerenunuec. Ye nenanggac ubamangang negemma mengerenunuu komoc kpeing. Anu yeng memengerecnina Yesu Kristo yeac amma Tiri Asu ebiriangoc kpakenemmeec. Kpakenemmema wosoefahaac amma dindingac denemmeu kecdimbe. Amma maridzominnina kekec wisic wisickea kpac, imoc menideac negensima tomai kecdimbe.

Ge yoac yofi heigboriyemmena, ngicngac yeneng gawamangfocngina yeneac yoacngina negemma tofohoma ua gombunga megecdeac nasosoc efaima kecbisia. Amma yeni ngic me ngac mong demanganegecde, imoc mi ngereeude, kpac. Yeni deendema mi amma yumea kecma ngicngac yeneac ebic negentegecma ubangerec faka ayemmedacbisia.

Ngicngac goa yeni yoac siriha kpac engemmama deandae amma esangabo yeneac kisic kpema dedeseriac yoac goaac yoacngina engemmama anu ngaba angandae. Geng ine yoac ifia negemma ngadehebesena. Yoac ifia imoc memefiha kpac nga imocngo fora mong mi meficgeude.

Gurunegic ngic mongngo hau naso mocgu nonoyoac edena mi negenu edena atac yohockang ambeso nga yoacga mi negenudeu wana tembuha kecbeso.