Popular Bible Verses from 2 Corintios 6

Share

Mana crijcunahuanca, ama yugushca shina tandanacuichijchu. Ruranataj cashcata rurajcunaca, mana allita rurajcunahuanca, mana tandalla cai tucunchu. Shinallataj luzca amsahuanca, mana chagrurinchu.

Diospaj huasipica, rurashcalla dioscunaca mana tiyai tucunchu. Cancunamari, causaj Diospaj huasi canguichij. Paillatajmi cashna nirca: «Ñucaca paicunapurapimi causasha, purisha. Ñucaca paicunapaj Diosmi casha, paicunaca ñuca agllashcacunami canga» nishcami. Chaimantami, Mandaj Diosllataj cashnapish nishca

«Paicunapuramanta llujshimuichij, chʼicanyarichij. Ima mapata ama japirichijchu. Chashna cajpica, cancunataca chasquishami.» «“Ñucaca, cancunapaj Yayami casha. Cancunaca ñuca churicuna, ushushicunami canguichij” ninmi Tucuita Rurai Tucuj Mandaj Diosca» nishcami.

Chashnallataj Cristoca, ¿Belial shuti diablohuanca maitataj shuj yuyaillaca tucungari? Shinallataj crijca mana crijhuanca, imata mana charinchu.