Popular Bible Verses from Matju 15

Share

Odocob Jisas maaden, “Ageha wawaga qee fogo dol eu adi? Dana waugnadec cisdoc qisol mec cali hona. Dana qocca, dana osona caja occa, wal kobol odocca, heje occa, um qoc madecca, lelanadecca eu dana waugnadec cali hona. Ceteh eu dana gegehin mudina. Euqa ebenega qee wasacudec sab jec euna dana qee gegehin mudina. Eunu ceteh cunug cona lena eu bigna nocob big ititacdocob bahu helegina eu qee feginafo? Euqa conadec cali hona eu waugnadec cali beceb eu dana gegehin mudina,” aden.

Ceteh cona lena eu dana gegehin qee mudina. Ceteh conadec cali hona eu dana gegehin mudina,” aden.

‘Dana cajaca i age conogana binani sulegina age wawagaqa eu qisactec bilina. Eu age dana agena loo je iwalaadegina eu Anutna loo je, egina. Eunu age ijanu gauc cuha fegina,’ en,” aden.

Caja odi madocob Jisas madon, “O caja, hina wawin meleec eu caunca bahic! Hina madagana eu odihia,” don. Odocob caja uqa ateg saen euna bahic hag medon.

Euqa caja uqa hu Jisas amegna gob cehi uqanu cuha fimei ninidudu madon, “O Tibud, cesultagale!” don. Odocob Jisas uqa caja jejeg hewi madon, “Mel agena sab cawaladi qa joqagannu helec eu cois qee,” don. Odocob caja madon, “Mele Tibud, euqa qa asagul sab jejen jecefan uqana cabalnadec golodocob qa age bisalu hu cedi jegina eu odi qeefo?” don.