Popular Bible Verses from Romaq 12

Share

Mingkan shí lhûm é sâmlai dông a cháng lô é za, myìt sik wó yû râ dông núngmòq é a-kyang lé htaî pyám byi nhâng keq. Haú hkûn shèq, Garai Gasâng é ge é, myìt nguì é eq gúmjùp é ô naù hkyô lé, núngmòq wó chyâm, wó sê gàm hkoq yû kôrâ nghut lhê.

Haû mù luî, gu-mang wuì ê, núngmòq é gùngdu pé lé, Garai Gasang myìt nguì ô nau é eq chyoiyúng é, dui é hkungga dông nhông byi keq nghû, Garai Gasâng é shogyo nhikmyin hkyô mai, ngò, núngmòq lé wum byî kat lhê. Haû gi, so é hkyô dông núngmòq noqkuq dójaú é hkyô nghut lhê.

Myìt myòqbyù hkyô má gabú keq; wuîhke hkyô má hkam jan keq; kyûdung hkyô má lhumzui keq.

Agè ashop é gi, núngmòq lé a ung pyám sháng gàq, ge é hkyo èq agè ashop é lé ung pyám keq.

Rayùq eq rayùq, gu-mang chyitdàp myìt mai lhumzuî lhum keq. Rayùq eq rayùq, yhûmsing gùng htoq je hpautap lhum keq.

Chyitdàp myìt má gègùn labyoq a ge bò. Agè ashop dùt é lé, nhik nòq pyám keq; ge é lé, myìt tuî nyì keq.

Wó dùt é nghut jáng, núngmòq wó dùt é í, yùq hkangmó eq nguì ngón shoq nyì keq.

Ngá é buìnùm wuì ê, lató a hpuq é za, Garai Gasâng é nhikmó-yo hkyô lé shèq láng nyî keq. Hkâsu mù gâ le, “Ngò shèq lató hpuq râ sû nghut lhê; ngò lató hpuq râ.” ga, haû Yhûmsîng taî ri ga kâ tô ri.

Myìt zùq hkyô má, hkâ-nhám le wum a lhoqshôm é za, núngmòq é so é hkyô má myìt toq nyî mù, haû Yhûmsîng lé dójaú nyî keq.

Hkâsu mù gâ le, ngo lé byî tô é jeju yánmai, núngmòq yùq hkangmó lé ngò taí kôlé: núngmòq gi, yhûmsing gùng lé lai shoq a nghutbûn é za, ó le ó lé, Garai Gasâng èq lùmjíng myìt tsing gàm byî to bê eq rajung za, myìt yù gíng é í za myìt yù keq.

Ó yùq lé le, agè ashop é yánmai, agè ashop é dông lató hkâhpuq kó. Yùq hkangmó é myòq hí má ge é lé kut râ rago myìt keq.

Rayùq eq rayùq byìn hpyé góhut huî nyì keq. A nghutbûn é za, nyì yàp hkyô nyhûm bang eq zùm yàp keq. Hpàqchyî bo é sû su hkâ-myìt ngàm kó.

Haû mù, “Núngmòq lé gyè kut sû zò-mut é nghut le gi, byi tso keq; yhang wuìshit é nghut le gi, rajung jung byi huq keq. Haú dông kut jáng, nàng, yhâng é ulhum htoq má gyúng é myigye bum to byî é nghut lhê.” ga le kâ tô ri.

Núngmòq lé zing-rî é bang lé shimân byi keq; shimân byi keq, hkâ-nhing kó. Gabú é bang eq rahá bo gabú keq; yón é bang eq rahá bo yón keq.

Ra châ tô é Garai Gasâng é byu pé lé gàm byi keq. Bíng hkûlum é lé rago kut keq.

Ngá-nhúng yùq hkangmó é gùngdu ralhum má gi, gùngdu showui showang pé myo myo bo é nghut luî, gùngdu showui showang haú pé bànshoq gi, chung jaì jang a pung é nghut lhê. Haû eq rajung za, myo myo nghut é ngá-nhúng le, Hkrisidùq má gùngdu ralhum za dùt luî, yùq hkangmó gi, rayùq eq rayùq gùngsho sêng lhûm é bang chyat nghut lhê.