Popular Bible Verses from Mahte 13

Share

Nghut kôlhang, myìhpún bo é jang má gyó âng é kyôshi kúm gi, mungdang lé wó gyo mù, sê gyô yu é sû lé gá nau é nghut lhê. Haú yùq ashi zuî é gi, sân kat é htoq rashô tú, hkyuq xê tú, sum xê tú, myô jàt lo é nghut ri.” gâ ri.

Zugyóm má gyó âng é kyôshi gi, haû mungdang lé wó gyô yù kôlhang, shí i-pyàt lhê é myìt wui myìt hke hkyô pé eq hkyô shuî nghoq jung ngùn hîng zèhkoq èq hup pyâm é yánmai, ashi a wó zuî é sû lé gá nau é nghut lhê.

Hkyô má gyó âng é kyôshi gi, mauhkûng mîngdán eq sêng é danglù lé wó gyo kôlhang, a sê gyô é yánmai, haû agè ashop sû lé lô mù, yhâng é i‑myìt hkaû má sân kat tô é kyôshi lé, lé yu pyám byî é hui sû lé gá nau é nghut lhê.

Lùqgòk yò pé má gyó âng é kyôshi gi, mungdang lé wó gyo jáng, radá dâm gabú myìt èq hàp yù kôlhang, a-myìt a wó chîn é yánmai, razùp zo za yùq mù, mungdâng é yánmai, wuîhkê é eq zing-rî é hui kôjáng, hân hân yhik ló byùq é sû lé gá nau é nghut lhê.

Mauhkûng mîngdán gi, yò má haq tô é sùtzè eq wuí ri. Sùtzè haú lé myang é sû gi, haú lé saî haq to mù, gabú myìt èq taû ló luî, yhang wó é bànshoq lé ûng pyám mù, yò haú lé wui yu ri.

Ra-am dum nghut jáng, myìhpún bo é jang má gyó ang luî, ashi zuî lo é gi, sân kat é htoq rashô tú, hkyuq xê tú, sum xê tú, myô jàt lo é nghut ri.

Kyô shu yòq jé shoq rahá yùq to kó sháng gàq; haú hkûn, myòqgàm pé lé hí hkyin tsîng yù mù, nyhê hkyô pyám râ matú hkyom dîng to luî, gùq lé kúm gi, shû yù mù, ngá é chyî má tsing kat to râ matú, kyô shu bang lé ngò taí râ nghut lhê.’ ga tû taî ri.” gâ ri.