Popular Bible Verses from Yohan 12

Share

Ngo lé dójaú é sû ó yùq nghut kôle, Ngá htâng cháng râ lhê; Ngò, hká má nyi le, Ngá é duìnhâng zoshâng le nyì râ nghut lhê. Ngá wa gi, haû Ngo lé dójaú é sû lé, shigyaú râ nghut lhê.

Haû yhûmsing é chyungxe lé chyitdàp é sû gi, chyungxe sûm byùq râ nghut lhê. Mingkan shî má, haû yhûmsing é chyungxe lé a naù a wôm é sû kúm gi, ahtum abyùq é chyungxê é matú, yhûmsing é chyungxe lé wó sing to râ nghut lhê.

Ngò, núngmòq lé teng za taí kôlé, súngsô racham gi, myigùng má gyó luî, shi byùq é za a nghut jáng, acham roq za dùt nyì râ nghut lhê. Nghut kôlhang, shi byùq é nghut le gi, ashi myo myo lhoqhtoq râ nghut lhê.

Ngò gi, Ngo lé lùmjíng é sû ó yùq le, mauchut hkaû má a nyì sháng gàq nghû, maubó dông mingkan má lé jé é nghut lhê.

Ngò gi, Ngá é dang lé wó gyo luî, a châng é sû ó yùq lé le, jéyáng râ a nghut; hkâsu mù gâ le, Ngò gi, mingkan lé jéyáng râ matú jé lé é a nghut; haû mingkan lé hkyi yù râ matú shèq, jé lé é ru nghut lhê.

Haú hkûn, Mariq gi, haû naridu a-myìt mai za saî yu é, gyai hpaû é namngón xû raxe í rûng kô yu lé mù, Yesuq é hkyî má hut gyun byi luî, yhâng é uxam èq sut byî ri. Haû mù, yhûm haû gi, namngón xû shôm byíng to bê nghut ri.

Haû mù, yhángmòq gi, byùm-haq pé yu chûng mù, Yhang lé ê tê uchyang, “Hosana! Haû Yhûmsing é myìng mai jé lé lo é Sû gi, hkungsô wó nyî sháng gàq ô! Haû Isira-elaq byu pê é Hkóhkâm gi, hkungsô wó nyî sháng gàq!” ga, taî garû bum akô nghut ri.

Haû mù, Yesuq gi, “Haû Byu Yhangzo gi, hpungwup shingkang dan hû é hui râ matú, ahkyíng jé bê nghut ri.