Popular Bible Verses from Hebre 1

Share

Haû Zo gi, Garai Gasâng é hpungwup shingkang dùq bó é hkyô eq Yhâng é gùnghkyâng isâm roq nghut nyì mù, lhúnglháng lé Yhâng é a-tsam byíng é dâng èq zuî zing tô ri. Yhang gi, yubàk mara lé lhoq sân-yúng é hkyô lé ban kut é htâng, mauhkûng htoq má Hkìkhkam dik Sû Garai Gasâng é lòqyo hkyam má zung to bê nghut ri.

Laî ló bê i-pyàt pé má, Garai Gasang gi, ngá-nhûng é îchyí îwâ pé lé myìqhtoî pé dông alhîng lhîng eq adông dông mai dáng nyo wú bê nghut lhê. Nghut kôlhang, ló htâng é buìnyì shí pé má, Yhang gi, Yhang Zo dông mai ngá-nhúng lé dang nyô bê nghut ri; Yhang gi, lhúnglháng lé sîng sû dùt râ matú haû Zo lé masàt to mù, Zo dông mai, nyì mî-nyî, jòq mîjòq lé hpan to bê nghut ri.

Maumâng pé bànshoq gi, hkyi yù hkyô lé hkam yù râ nghut é bang lé dójaú râ matú, nhang kat huî é mû wùn sô pé chyat za nghut akô, a nghut lhú?

Hau htoq agó, Yhang gi, “Yhûmsîng ê, Nàng gi, a‑nham sânghi má myìdam é a-pûn awang lé hi tô é nghut mù, mauhkûng pé gi, Náng é lòqmú chyat nghut ri. Haú pé gi, htên byòq byùq râ nghut lhê; nghut kôlhang, nàng gi, ru gîng nyì râ nghut lhê; haú pé bànshoq gi, mèbu su xaû byùq râ nghut lhê.