Popular Bible Verses from Galatiq 5

Share

Nghut kôlhang, So é ashi gi, chyitdàp hkyô, gabú hkyô, nguì ngón hkyô, myìt hîng hkyô, nhik‑u nû é hkyô, ge é hkyô, lhumzui hkyô, nûm é hkyô, yhûmsing gùng lé wó hkang é hkyô pé nghut ri. Haú hkyô pé lé hkûm zing pyám râ târâ haî le a jòq nghut ri.

Nghut kôlhang, ngò taí kôlé, Sô shuî û é dông chyungxe dui nyì keq; haú hkûn, núngmòq gi, yubàk gùngsho ô nau é hkyô cháng kôrâ a nghut.

Ngá-nhúng gi, Sô mai chyungxe duì bê nghut mù, haû Sô htâng châng nyì sháng.

Hkrisidùq Yesuq eq séng bê bang kúm gi, yubàk gùngsho ô naù hkyô lé le, hau é yùt yùt ô naù myìt eq shîrong é hkyô pé lé le, tapzîng má jén sat pyám bekô nghut ri.

Yubàk gùngshô é múzó gi, de de yhang nghut lhê; haú pé gi, ashop é dông gùngsho zùm yàp é hkyô, a sân-yúng é hkyô, shut é dông nyì zô lhúm nau é myìt, hparà noq hkyô, mhántán lòklèq kut é hkyô, a naù a wôm é hkyô, byòq lhûm é hkyô, mânon é hkyô, nhiksoqsup é hkyô, yhûmsing wuízàt é hkyô, gâng lhum sê é hkyô, hpúng gam é hkyô, ningsû é hkyô, î shuq wùt é hkyô, zo yê shuq yê mù achaq achyut kut é hkyô pé eq haú pé su kut é gótû hkyô pé nghut ri; haû su kut nyì yàp é bang gi, Garai Gasâng mîngdán é silî wunlî lé wó hkam yù râ a nghut nghû, ngò, hí hkûn núngmòq lé taî wú bê eq rajung za, ahkuî le, núngmòq lé ngò sidìq byî nyi lhê.

Gu-mang wuì ê, núngmòq gi, lùthkyô wó râ matú ji yù huî é bang nghut akô; nghut kôlhang, núngmòq é lùthkyô ahkáng lé, yubàk gùngsho má hkâcháng nhâng kó, chyitdàp myìt mai kúm gi, rayùq eq rayùq dójaú lhûm nyì keq.

Hkâsu mù gâ le, yubàk gùngsho ô naù hkyô gi, Sô eq shai lhûm nyì; Sô gi, yubàk gùngsho ô naù hkyô eq shai lhûm nyì, dùt ri. Haû í lhum gi, gyè dut lhûm ri; haû mù, núngmòq gi, yhûmsîng ô nau é dông hkâkut kó.

Hkâsu mù gâ le, “Náng gûng lé nàng chyitdàp é su, náng é chyáng nâm mâ é bang lé le chyitdàp àq.” gâ é hkunmó má za, jep é târâ bànshoq lo bo to bê nghut lhê.

Ngá-nhúng gi, akôm gyáng dang taí luî, rayùq eq rayùq jèq ho lhûm é eq mânon lhûm é bang, a dùt nyì sháng gàq.

Ngá-nhúng lùthkyô wó râ matú, Hkrisidùq gi, ngá-nhúng lé lhoqlhut kat bê nghut ri. Haû mù luî, haû má ru gîng nyì mù, yhûmsing gùng lé jun é wòlai hkaû má hkâtaû baínaî nyì kó.