Popular Bible Verses from Htoq Ló 20

Share

“Ngò gi, núngmòq jùn dut nyi é Egutuq ming mai núngmòq lé shuî htoq lo é Sû, núngmòq é Garai Gasang nghut é, haû Yhûmsîng Garai nghut lhê. Nàng gi, Ngò mai lai luî, gótû hparà pé lé hkâ-noq.

Nàng gi, mauhkûng ahtoq tsáng má nyi é nghut nghut, mauhkûng ô myigùng tsáng má nyi é nghut nghut, myigùng a-o tsáng wuì hkaû má nyi é nghut nghut, hai é azòng lé le, náng é matú hparà lhô hkâsaí. Nàng gi, haú pé lé hkâ-paî gòp, hkâ noqkuq. Hkâsu mù gâ le, náng é Garai Gasang nghut é, haû Yhûmsîng Garai Ngò gi, manôn sê é Garai Gasang nghut mù, Ngo lé a naù a wom kut é îchyí îwâ pê é yubàk mara dam lé, yhángmòq é shubyi shuké sum myi bán jé shoq byi râ nghut lhê.

Nàng gi, náng é Garai Gasang nghut é, haû Yhûmsîng Garaî èq nang lé byî é maumyî má, chyungxe wó hing nyì sháng gàq, náng nu náng wa lé hkúngga hpautap àq.

Nàng gi, Bánno Buìnyì lé lhoqchyoi lhoqyúng mù, haú nyí lé bûn nyì àq.

Nàng gi, náng é Garai Gasang nghut é, haû Yhûmsîng Garaî é myìng lé akôm má hkâlang. Hkâsu mù gâ le, haû Yhûmsîng Garai gi, Yhâng é myìng lé akôm má lang sû lé, mara a byî é kut râ a nghut.

Hkyuq nyí gû gi, nàng mú zui mù, náng é múzó bànshoq lé zui saí ra râ nghut lhê. Nghut kôlhang, nyhit nyí nyí gi, náng é Garai Gasang nghut é, haû Yhûmsîng Garaî é matú kut é Bánno Buìnyì nghut ri. Haú nyí má gi, nàng le, náng é byìzo yùqzô pé le, náng é duìnhâng zoshâng yùqgè myiwe wuì le, náng é gaunyhaú pé le, náng é wânghkaû má nyi é byù bíng pé le, hai mú ge zui râ a nghut.

Nàng gi, náng é yhûmkyochâng é yhûm lé myòqnòq é myìt hkâbô. Nàng gi, náng é yhûmkyochâng é yhûmsîng myhí lé le, yhâng é duìnhâng zoshâng yùqgè myiwe wuì lé le, yhâng é no eq loze pé lé le, yhang eq sêng é haí jung lé le, myòqnòq myìt ge bò râ a nghut.” gâ ri.

Nàng gi, náng é yhûmkyochâng é hkyô lé, a têng é sàksé hkâhkám.

Nàng gi, su-myi sulàng hkâlú.

Nàng gi, byù hkâsat.

Nàng gi, zè hkâhkau.