Popular Bible Verses from Areberesoni 5

Share

Piya, igeba sipisipi awaromati kasa ini maya untawe: Kaeba tagapa pi nkisapa u'ma, asaemaranta ka'me a'waima akaosaganaba kanarasakiye, iye. Piya, igeba kaeguyuguna, kaeba korakatasa wasanaba ika puwaitama Kotiti iba puwaitantampene, iye. Eya, kaeba a'ya'ma tupisabe, a'ya'ma to kamana to kamanapisabe, a'ya'ma to i'yaga to i'yaga kinapisabe, a'ya'ma maga maga kinapisabe, ka'isa iba puwaitantampene, iye.

Ainkimagini igeba tabe kiga'e maya untawe: Ma sipisipi awaroba aeguyuguna purintemi'napa, aeba esegiyenabe, tabe ikape, aogi napiyenabe maema, tabera esegi pekini, au'wapa maete ima, agega'eba asagayuma, i'mu potaigina kanarasano, untawe.

Piya, kaeba ka'ena puwaitama kabiwaitamagina: Kotirempati mono kiye kina kanta puma miyiyoma, uwaitantampene, iye. Eya: Igeba marapa kabiyiyo, uwaitantampene, piya ini untawe.

Piya yuguna abuwapa, a'ya'ma Koti pumaranti ntanamaba, mantabintisa kinape, mabisa kinape, mawama nkantabaipintisa kinape, kayo wanipintisa kinape, igeba kaga mayama yugu abintone: Wa'egawama nkaemu yabaera minti'nape, sipisipi awaropeba, isigetiba a'muntanabe, isi'ikenaenabe, isige asagayukenaenabe, esegiyenabe, a'ya'ma yagaba waiyaba miyeno, untawe.

Piya puwagana, anasa kina igetisa ka'waina maya unamima untiye: Kaeba a-kube'enaba po, untiye. Abeno. Yuta kina'mi tupisa araiyoni yagaraba asu againti'na, aeba againti nkesegiyenarasa tonaentisa tara umaema asaemaranta ka'me akaosa'ma pi nkisapa a'waikiyema, unamintiye.