Popular Bible Verses from 1 Pita 3

Share

Tintabaipi Karaisitiba Wa'egari asitaiyo. Piya pumagiri, tigeba a'ya'ma yaga kabima mima, wasanamiba Kotiti atokaema aobi pikena agorika tibigaigiripa, karu'ena a'wae puma uwaimiyo. Piya, tigeba Kotika tiyekuru puma paebuma mima aogima uwaimiyo. Eya, napiyenaripa ataenaba a-potaiyo. Piya pukibepa, wasanamiba ata puritakibepa, Karaisitika aogiyena pentanaga akayasota kina'miba ini pukibewe.

Piya, Wa'egawama nkaomaba arupu kina'miti waiyegina iyo'maeye, iye. Wa'egawama nunamuwaitiga age atakae piye, iye. We, ataena pe kina'mipa Wa'egawamaba amo puwaitama ata ika nkimikiye, iye.

Piya, tigeba ti'no nkitakenaenarasawo, kori tiwa'enarasawo, toma toma titasaenarasawo, igebi nkiyobi arirasaenarasa a-piyo. Kampaye. Tigeba tintabisaba tigu tiwa'enaba aboraiyo. Eya, timawamaba paebuma paru puma waiyegina, Kotiba a'mu pegina ikankampaba inta'ena puma waiyaba miye. Pipa aboraiyo.

Pika mono isa'amaba maya iye: Piya, ka yagarama, e'wasaenabi mpikenagabe aogi yaga agakenagabe abugai ntagaramaba, ata kamana usanagaba anteburapa aogima kabima mima, awamu eperasa anagi kamana usanagaba aogima kabiyeno, iye. Aeba ataenaba akabitama, arupuyena peno, iye. Aeba paruyena aguyosa'ma maema arakureno, iye.

Pigoya, kamana'nepa a'ya wakena piya, abiyo: Tigeba a'ya'ma kina'mitaba, ka tintabarima miyiyo. Tigeba tintara'ena puma, tiyo'mipa agu kao'ena puwaitama, kayonena puma, aogima ntapima tigeripa a'mpaete iyiyo. Wasanamiba ataena puritaigiripa, tigeba antotapa ataba a-puwaitaiyo. Piya, igeba kamana akayasuritaigiripa, antotapa a-nkakayasuwaitaiyo. Kampaye. Tigeba akayona puwaitaiyoma, Kotiba tiba punti'na, antotapa piya piyo. Piya pukibepa, Kotiba antotapa akayona puritakiye.

Pigoya, tigeba arupuyena puma miyiginaba, kebaya karu'ena ataenaba puritakiye. Pipa kampaye.

Aeba ataenaba akabitama, arupuyena peno, iye. Aeba paruyena aguyosa'ma maema arakureno, iye.

Pigoya, taeba ataena pukubompetaka kuntaena maekubompepa, pipa ka awamene. We, Koti nkabemika taeba arupuyena pukubompetaka kuntaena maekubompepa, pipa Koti nkaobi aogiyenawe.