Popular Bible Verses from ROMANOS 14

Share

Echa Tumpa iporookuaía mbaetɨ ko mbae jau vae, jae ko jupi vae, mbɨakatu jare yerovia katu Espíritu Santo rupi. Echa körai oyeokuai Cristo pe vae, omboyerovia ko Tumpa, jare kuimbae reta güɨrovia katu.

Echa yaikove ramboeve, yaiko yandeYa peguarä. Jare ñamano yave, ñamano yandeYa peguarä. Jáeramo, yaikove vae ani ñamano yave, yandeYa imbae reta ko yande.

Jáeramo, yaeka yayombopɨakatu jare ñañomomɨ̈rata vaerä.

Jáeramo agüɨye mo yayoangao ïru vae ndive, jaeño yaeka agüɨye vaerä ïru oporogüɨrovia vae ogüɨapi yandereko pegua.

Echa oyekuatía oï körai: “Che peYa, tae cheyé aeño, opaete vae oyetavatɨkata cheróvai, jare opaete vae chemboeteta ko.” Jökorai metei ñavo yamombeuta Tumpa pe yandeyegua.

Pemboresive kavi ipɨtu iporogüɨrovia pe vae, ërei agüɨye peyoaka vaerä jae ndive.

Echa ¿kia pa nde reyangao vaerä ambuae vae jembiokuai? Echa iyaño ko ipuereta jei ikavi ko ani ikaviä ko oyapogüe. Ërei ikavita ko, echa yandeYa imbaepuere yae ko oñono kavi vaerä.