Popular Bible Verses from APOCALIPSIS 14

Share

Jare aendu metei ñee ara güi jei cheve: “Eikuatía kuae: ‘Oyerovia ko añave güive yandeYa re güɨrovia güi omano vae reta.’ ” Jei Espíritu: “Oyerovia ko, echa oputuu retata iparavɨkɨ güi. Echa iparavɨkɨ ojo jae ndive.”

¡Kuae pe oyekuaata oporogüɨrovia vae reta ipɨa guasu, jare oyapo Tumpa iporookuai reta jare güɨrovia Jesús re vae reta!

iñeeäta reve jei: “Peipoɨu Tumpa güi jare pemboete, echa iporojäa iora ou ma oväe. Pemboete ara, ɨvɨ, ɨguasu jare ɨesaɨ reta iyapoa.”

Jare araɨgua mboapɨa ïru jaɨkue ou vae jei iñeeäta reve: “Oime yave kia jókuae mbaemɨmba guasu ɨguasu güi oë vae jare iä omboete jare ikañɨmaa jesɨva re ani ipo re güɨnoi vae, jae jouta vi Tumpa iyarasɨ oyeambae etei oï kopa pe vae. Oiporara yaeta tata jare azufre araɨgua reta iyoambae jare Vecha kuimbae taɨrusu vae jóvai.” Jare jembiporara jätati oyeupi jekuaekuae avei rupi. Jare mbaetɨ oputuu reta ara rupi ani pɨ̈tu rupi, jókuae mbaemɨmba guasu jee oyekuatía jese vae.

Jaɨkue rupi amae jare aecha Vecha kuimbae taɨrusu vae oyemboɨ oï ɨvɨtɨ Sión re. Jae ndive ciento cuarenta y cuatro mil vae reta. Jae reta jesɨva re oyekuatía oï Vecha kuimbae taɨrusu vae jee jare Tu jee.

Jare aecha ïru araɨgua oveve ara mbɨte rupi, güɨnoi omoërakua vaerä ñee ikavi vae opambae vae ɨvɨ pegua reta pe, opaete tëtaguasu reta pe, ñemuña reta, ñee ambuae mbuae reta pe jare tëta reta pe

Jare araɨgua mokoía ïru jaɨkue ou vae jei: “¡Oa ma, oa ma Babilonia, tëta guasu tuicha vae! Echa jae jeko ikavimbae pe omongau opaete tëtaguasu reta.”