Popular Bible Verses from APOCALIPSIS 12

Share

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.

Jayave aendu ñee tätagüe ara pe, jei: “Ou ma oväe yemboasa, mbaepuere jare ñaneTumpa iporookuaía jare jemimbou Cristo imbaepuere. Echa oyemombouka ma yanderɨvɨ reta omboekose Tumpa jóvai ara rupi jare pɨ̈tu rupi vae.

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

¡Jáeramo, peyerovia ara jare pɨpegua reta! ¡Ërei paravete ɨvɨ pegua reta jare ɨguasu pegua reta! ¡Echa aña guasu ogüeyɨ ma peve iyarasɨ yae reve, echa jae oikuaa michi peguaño ma oikota!”

Javoi Miguel jare iaraɨgua reta ndive täta oñeraro ara pe jókuae mbaeporou ndive. Mbaeporou jare iaraɨgua oñeraro

Jayave mbaeporou pochɨ kuña pe, jare ojo oñeraro kuña iñemuña reta jembɨregüe ndive, jókuae Tumpa iporookuai reta jei vae oyapo vae reta jare güɨrovia Jesucristo re vae reta.

Jare oyekuaa ara re mbae tuichagüe, jae ko: Metei kuña kuaraɨ pe oyemonde rami, jare oyemboɨ oï yasɨ iárambo, jare iñäka re äka-regua doce yasɨtata güɨnoi vae. Ipurúa jare imembɨ rasɨ ma oï, imembɨ oata vae rami.

Jare kuña imembɨ oa kuimbae; jare jókuae oa vae oyokuaita kuri opaete tëtaguasu reta ipopoka jiero pegua pe. Ërei oyererajauka chugüi imembɨ Tumpa pe, iguapɨa jóvai. Jare jókuae kuña otekuarai ñuu kotɨ, echa joko pe Tumpa omokätɨro chupe jendarä. Jare joko pe omongaru retata kuña mil dosciento sesenta ara rupi.

Jare oyekuaa vi ara re ïru mbae tuichagüe, jae ko: Metei mbaeporou tuichagüe pɨ̈ta vae. Güɨnoi chiu iñäka, payandepo jäti jare iñäka ñavo re güɨnoi äka-regua. Jare júguai pe ombotɨrɨrɨ mbɨte seri yasɨtata reta, jare omombo ɨvɨ re. Jare jókuae mbaeporou guasu oyemboɨ kuña imembɨ oata oï vae jóvai, opa vaerä jou imembɨ chugüi oa rupive.

Ërei oñemee kuña pe mókoi güɨraké tuicha vae ipepo, ipuere vaerä oveve ñuu kotɨ mboi güi. Jare joko pe omongaru retata kuña mboapɨ año y medio. Jare jókuae mboi omombo jeta ɨ iyuru güi, kuña jaɨkue, güɨrajauka vaerä jókuae ɨ pe; ërei ɨvɨ omborɨ kuña, echa ɨvɨ oyepea jare opa jou ɨ jókuae mbaeporou iyuru güi omoë vae.