Popular Bible Verses from FILIPENSES 1

Share

Aikuaa katu, Tumpa omboɨpɨ ma oyapo metei mbaravɨkɨ ikavi vae pepɨa pe vae, jae etei ko jekuaeñota oyapo Jesucristo ou ye regua.

Jare ayerure Tumpa pe okuakuaa avei vaerä ojo peporoaɨu peikuaa katu reve jare pearakuaa katu reve, peikuaa vaerä peiparavo ikavi vae, peiko kavi vaerä, agüɨye vaerä kia pemboeko Cristo ou ye regua

Echa chevegua tekove jae ko Cristo, jare mano ko jae ikavi vae.

Amee avei yasoropai Tumpa pe chemaendúa peré ñavo

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae

Körai oyeapota che aäro vae, echa jekuaeño aipota aiko chemarambae reve. Aipota aiko akɨɨyembae reve Cristo oyemboeteuka vaerä cherupi, aikove vae rupi ani amano vae rupi.

Echa Tumpa ko omee peve Cristo re, mbaetɨ perovia jese vaeräño, peiporara vaerä vi jese