Popular Bible Verses from SAN MARCOS 2

Share

Jesús kuae oendu yave, jei chupe reta: —Oikove katu vae reta mbaetɨ oeka oporopoano vae. Imbaerasɨ vae retaño oeka. Che ayu aeka vaerä iyoa vae reta. Mbaetɨ ayu aeka jupi vae reta.

Jesús oecha jae reta iporogüɨrovia yave, jei jókuae kuimbae jete jëogüe vae pe: —Cheraɨ, ndeyoa reta re cheɨ̈ro ma.

Jayave Jesús jei chupe reta: —Ara mbutuu oyeapo ko ikavi vaerä kuimbae pe. Kuimbae mbaetɨ ko oyeapo ara mbutuu peguarä.

Ërei jókuae güeru vae reta ipuereä güɨroike Jesús oïa pe, jeta yae vae ramo. Jáeramo güɨroyeupi o iárambo jare oipea reta chupe Jesús oïa re katu. Jokoropi ombogüeyɨ reta jókuae kuimbae jete jëogüe vae jupa reve.

Ërei peikuaa vaerä che Kuimbaerä ayeapo vae anoi ko mbaepuere cheɨ̈ro vaerä mbaeyoa reta re kuae ɨvɨ pe. Jayave jei kuimbae jete jëogüe vae pe: —Che jae ndeve: Epüa, evoɨ nderupa jare ekua nerëta pe.

¿Mbae pa yavaiä jae vaerä kuae jete jëogüe vae pe: “Ndeyoa reta re cheɨ̈ro ma”, ani “epüa, evoɨ nderupa jare eguata”?

Jayave kuimbae opüa jupivei, ovoɨ jupa jare oë ojo opaete joko pe ñogüɨnoi vae reta jovake. Jare opaete vae ipɨakañɨ jare omboete reta Tumpa jei reve: —Mbaetɨi yaecha kuae nunga.