Popular Bible Verses from SAN MATEO 16

Share

Jayave Jesús jei jemimboe reta pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tou cherupíe.

Jare che vi jae ndeve, nde jae ko Pedro. Jare che etei amopüata cherembiparavo reta kuae ita guasu re, jare mano ngaraa mbaepuere güɨnoi jese reta.

Ameeta ndeve mbaepuere reipea vaerä araɨgua mborookuaía opaete reñapɨti ɨvɨ pe vae, oñeapɨtita vi ara pe. Jare opaete reyora ɨvɨ pe vae, oyeyorata vi ara pe.

Echa opaete oipota oepɨ jekove vae, okañɨteita ko. Ërei opaete omee jekove chereko pegua vae, oikoveta ko.

¿Mbaerä pa osiriveta kuimbae pe omongana yave opaete ɨvɨ, ërei jekove okañɨtei?, ani ¿Mbovɨ ra omboepɨta ogua vaerä jekove?

Jayave Jesús oparandu chupe reta: —Ërei peve reta ¿kia pa che? Jayave Simón Pedro jei chupe: —Nde ko jae Cristo, Tumpa oikove vae Taɨ.

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.