Popular Bible Verses from GÁLATAS 5

Share

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia, ñemomichi, yeandu mbaembae güi vae. Kuae reta re mbaetɨ mborookuai mbae jei.

Jáeramo che jae peve kuae: Peiko Espíritu Santo jeia re, agüɨye peiko pesoo jemimbota reño.

Yaiko ma yave Espíritu Santo rupi, yayapo Espíritu Santo jeia.

Ërei Cristo imbae ma vae reta oikutu ma kurusu re opaete soo jemimbota reve.

Soo jemimbota reta oyekuaa körai: Menda re oyuvanga vae, aguasa, teko pɨ̈chɨi, ikuña pota yae ani imbɨapota yae, tumpa-raanga pota, mbaekuaa reta, ñemotareɨ reta, ñeapo reta, ñemoägüɨro reta, ñoraro reta, yoambotaä reta, mboromboe añetembae reta, yeakatúä reta, yoyuka reta, savaɨpo reta, oasa ete okaru osavaɨpo reve vae, jare jeta ïru ikavimbae. Kuae reta re amombeu ma peve, kërai kuae nunga ikavimbae vae iyapoa reta ngaraa oike Tumpa iporookuaía pe.

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

Echa pesoo jemimbota oyovaicho Espíritu Santo re; jare Espíritu Santo jemimbota güɨröɨro soo jemimbota re. Kuae mókoi reta oñogüɨröɨro päve, jáeramo mbaetɨ pepuere peyapo pekɨ̈reɨ tëi peyapo vae.

Echa opaete mborookuai, oyembopo kuae re: “Eaɨu nderapicha nde reyeaɨu rami.”

Agüɨye yayembotuicha. Agüɨye yayovaicho oyoupii. Agüɨye yandepɨakatúä oyokotɨ.

Peñemomɨ̈rata Cristo iporoyora re. Jare agüɨye mo peiko ye tembipɨɨrä.