Popular Bible Verses from DANIEL 3

Share

Jayave Sadrac, Mesac jare Abed-nego jei mburuvicha guasu Nabucodonosor pe: —Mbaetɨta mbae roe ndeve kuae teko re. Oreruvicha guasu, mase, oreTumpa royeokuai chupe vae ipuere ko orereepɨ horno jendɨvuku oï vae güi; jare ndepo güi ave orereepɨta ko. Ërei mbaetɨ ko orereepɨ yave, eikuaa voi eï oreruvicha guasu; jeseve ngaraai royeokuai netumpa reta pe, ngaraai vi romboete jókuae mbae iä remopüaukagüe.

Jare jae jei: —Ërei che aecha aï irundɨ kuimbae reta oyepokuambae oguata tata mbɨte rupi, mbaetɨ etei mbae tata oyapo chupe reta; jare jókuae irundɨa kuimbae tumpa retaecha oyekuaa.

Jayave Nabucodonosor jei: “Toyemboete Sadrac, Mesac jare Abed-nego iTumpa, echa ombou iaraɨgua oepɨ jembiokuai reta oyeko jese ramo, jare mbaetɨ oyapo reta cheporookuai, oñeñono reta oiporara vaerä, omboete äragüe ïru tumpa iTumpa güi.

Jáeramo amee mborookuai, opaete tëta reta, tëtaguasu reta, ïru ñee pe imiari vae reta iñee nguru yave Sadrac, Mesac jare Abed-nego iTumpa kotɨ, toyembojaɨ jaɨ jare jo topɨta ɨtɨapɨrä; echa mbaetɨ ïru tumpa ipuere oporoepɨ kuae rami vae.”