Popular Bible Verses from 2 TESALONICENSES 2

Share

Ërei agüɨye pemaeño kia re kërai ave yepe tapembotavɨ. Echa jókuae ara, ngaraa ou ndei ou mbove yembopɨapochɨ Tumpa kotɨ vae iara, jare kuimbae mbaeyoa pegua oyekuaata vae, okañɨteita vae.

Cherɨvɨ reta, yandeYa oaɨu vae reta, ikavi ko jekuaeño romee vaerä yasoropai Tumpa pe peré, echa Tumpa peparavo iyɨpɨ güive pemboasa vaerä, Espíritu Santo peñono tee Tumpa peguarä vae rupi, jare añete vae perovia ramo.

Jae oñemopüata Tumpa kotɨ jare opaete mbaemboete oñemee chupe vae reta kotɨ, jare jae etei oguapɨta tupao pe jare jeita iyeupe: “Che Tumpa ko.”

YandeYa Jesucristo etei jare yandeRu Tumpa yanderaɨu vae jare yandembopɨakatu avei vae jare ñaäro yayerovia reve ipɨakavi rupi vae, jae tapembopɨakatu jare tapemomɨ̈rata opaete ñee ikavi vae pere vaerä, jare ikavi vae peyapo vaerä.

Jáeramo, Tumpa ombou chupe reta mbaepuere mborombotavɨ pegua, güɨrovia reta vaerä apu re

Jókuae ikavimbae iyapoa outa Satanás jembiapo rupi; outa mbaepuere tuichagüe ndive jare mɨakañɨ reta yembotavɨ pegua rupi. Oyapota oipotagüe mbae ikavimbae, ombotavɨ vaerä okañɨteita vae reta. Echa mbaetɨ omboresive reta mboroaɨu añete pegua, oyemboasauka vaerä.

Ërei oime ma oparavɨkɨ oï jókuae ikavimbae yaikuaambae vae, ërei añave oime ko kia mbaetɨ omaeño jese vae; jae oyereraja regua yandepɨte güi.