Popular Bible Verses from 1 TIMOTEO 3

Share

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Ërei ikavi ko oporogüɨrovia vae reta itenondegua re agüɨye oñeväe teko, meteiño tijembireko, agüɨyeta jei jeiiño, toyeandu katu, toyapo ikavi vae, tomboresive katu mboupa, toikatu toporomboe

Togüɨroata kavi opaete jo pegua reta, toyemboeteuka imichia reta pe jupi rupi kavi.

Oporogüɨrovia vae reta imborɨa reta meteiño tijembireko, togüɨroata kavi taɨ reta jare jo pegua reta. Echa kuae reta oyeokuai kavi yave Tumpa pe, oyemboeteuka yaeta, jare ipuere oiko ipɨakatu kavi reve Cristo Jesús re güɨrovia vae rupi.