Popular Bible Verses from 1 PEDRO 4

Share

Pembotenonde peyoaɨu yae avei vae. Echa mboroaɨu güeru jeta ñɨ̈ro mbaeyoa re.

Tumpa omee metei ñavo pe mbaepuere peyeokuai vaerä oyoupe. Peyeokuai tembiokuai ikavigüe rami, Tumpa jeta omee ipɨakavi rupi vae re.

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!

Ërei peiporara yave Cristo re perovia jeko pegua, agüɨye pemara, jaeño pemboete Tumpa jókuae re.

Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.

Cherɨvɨ aaɨu vae reta, agüɨye pepɨakañɨ peiporara yae peï vae re, echa jökorai ñotai ko yandeve. Ërei peiporara peï yave peyerovia, echa peikuaa peiporara ko peï Cristo oiporara rami, peyerovia yae vaerä jae iyemboetea oyekuaa yave.

Peyomboresive päve pero pe, peñeengurumbae reve.

Jáeramo Tumpa jemimbota rupi oiporara vae reta jekuaeño toñeñono Iyapoa jupi vae ipo pe, jare toyapo ikavi vae.

Echa Cristo oiporara kuae ɨvɨ pe yanderé. Jáeramo pe reta peïndaivi vi peiporara vaerä. Echa oiporara vae, oyembosɨrɨ ko mbaeyoa güi, agüɨye vaerä ma oikove oiko ramboeve oiko kuimbae reta rami isoo jemimbota rupi, jaeño Tumpa jemimbota rupi.

Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.