Popular Bible Verses from 1 JUAN 2

Share

Agüɨye peaɨu kuae ɨvɨ, ani mbaembae ɨvɨ pegua. Oime yave kia kuae ɨvɨ oaɨu vae, mbaetɨ ko oaɨu Tumpa; echa opaete mbaembae oime ɨvɨ pe vae, soo jemimbota reta, mbaembae ipöra vae reta yaecha vae jare yemboete mbaeyekou regua mbaetɨ ko ou yandeRu güi, ou ko ɨvɨ güi.

Ërei kuae ɨvɨ opata ko, jare opaete mbaembae yaipota vae pɨpegua, ërei Tumpa jemimbota oyapo vae oikota jekuae avei rupi.

Oime yave kia “che ko jae Cristo imbae”, jei vae, toiko kavi jae oiko rami.

Cheraɨ aaɨu vae reta, aikuatía kuae mbaembae regua peve agüɨye vaerä peyoa. Ërei kia nunga vae iyoa yave, oime ñanoi oñemoe vaerä yanderé yandeRu Tumpa jóvai vae, jae ko Jesucristo jupi vae.

Oime yave kia “aikuaa ko Jesucristo”, jei vae, ërei mbaetɨ yave oyapo Jesucristo iporookuai reta, jókuae iyapu ko, mbaetɨ etei ko oï jese añete vae.

Tumpa iporookuai reta yayapo yave, jókuae rupi ko oyekuaa yaikuaa kavi ko Tumpa vae.

Oime yave kia “che aiko tembipe pe” jei vae, ërei omotareɨ yave ïru oporogüɨrovia vae, oiko vɨteri ko pɨtumimbi pe.

Oime yave kia “Jesús jaeä ko Cristo” jei vae, jae ko iyapu vae. Oime yave kia mbaetɨ güɨrovia yandeRu Tumpa jare Taɨ re vae, jae ko Cristo re oyemboyovaicho vae.

Oime yave kia mbaetɨ güɨrovia Tumpa Taɨ re vae, mbaetɨ ko güɨrovia yandeRu Tumpa. Ërei güɨrovia Tumpa Taɨ re vae, güɨrovia vi ko yandeRu Tumpa re.