Popular Bible Verses from 1 CORINTIOS 6

Share

¿Mbaetɨ pa peikuaa perete ko jae Espíritu Santo jo? Echa Tumpa ombou peve Espíritu Santo, jare jae oiko pepɨa pe. Jáeramo perete pembaeä ma ko. Echa perete Tumpa oguagüe ko. Jáeramo pemboete Tumpa perete pe jare perekove pe. Echa mókoi reve Tumpa imbae ko.

¿Mbaetɨ pa peikuaa jupimbae vae reta ngaraa yogüɨreko Tumpa iporookuaía pe vae? Agüɨye peyavɨ. Aguasa oyapo vae reta, itumpa-raanga pota vae reta, menda re oyuvanga vae reta, kuimbae kuña jeko omomora vae reta, kuimbae oyoupii oyogüɨreko vae reta, imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

Petekuarai aguasa güi. Oipotagüe ïru mbaeyoa peyapo vae peyapoä ko perete pe. Ërei aguasa peyapo yave, perete kotɨ etei ko peyoa.

Chepuere ko ayapo opaete aipota vae, ërei mbaetɨ ko opaete jaekavi ayapo vaerä. Chepuere ko ayapo opaete aipota vae, ërei ngaraa añemaeño metei pe ave.

Tumpa omoingove ye yandeYa vae, yandemoingove yeta vi ko imbaepuere pe.