Popular Bible Verses from 1 CORINTIOS 13

Share

Mboroaɨu jae ko yaiporara vae, yandepɨakavi vae, mbaetɨ ko ñemoägüɨro, mbaetɨ ko yembotuicha, mbaetɨ ko pɨayemboete, mbaetɨ yayapo ikavimbae, mbaetɨ yaipota mbae yandeyeupeguaräño, mbaetɨ yandearasɨ, mbaetɨ yandearasɨ yaiko yandepɨa pe ïru vae kotɨ

yaiporara opaño mbae, opaete re yarovia, opaete mbae ñaäro, opaete mbae yaropɨa.

mbaetɨ yayerovia mbae jupimbae re, ërei yayerovia añete vae re

Mboapɨ ko jae mbae oiko avei vae: Mborogüɨrovia, moroäro jare mboroaɨu. Ërei mboroaɨu ko tuicha yae, jókuae ïru mókoi reta güi.

Mboroaɨu ngaraa etei opa. Ërei mbae maratuta vae imombeúa opata ko. Jaeramiño vi ambuae ñee reta pe imiari vae opata ko. Jare arakuaa reta opata vi.

Chemiari yave ambuae ñee reta pe jare araɨgua reta iñee pe, ërei mbaetɨ aporoaɨu yave, ayu ko apɨta kapana ipu rami jare platillo ipu rami.

Yepe mona amoërakua maratuta vae re, ani aikuaa opaete mbaembae yaikuaambae vae, jare opaete arakuaa katu, jare anoi mborogüɨrovia tuicha vae, chepuere vaerä ambosɨrɨ ɨvɨtɨ guasu reta. Ërei mbaetɨ aporoaɨu yave, mbaeä ko che.

Yepe mona amee opaete chembaembae amongaru vaerä iparavete vae reta. Jare amee cherete etei oyeapɨ vaerä, ërei mbaetɨ aporoaɨu yave, mbaetɨ etei osirive cheve.

Che chemichi yave, chemiari yepi metei michia imiari rami, ayemongeta yepi metei michia rami, aiko yepi metei michia rami. Ërei akuakuaa ma yave, mbaetɨ ma aiko metei michia oiko rami.