Popular Bible Verses from 1 Pita 4

Share

Nungoqi wute aye oyi oyi yawo wurany righe, nei te kin quan nganye yumbui. Yumbo ur oghi kin aye te ninde dobune, wute aye yawo wurany righe kin te quan nganye yumbui. Te pugri wute aye quan nganye yawo wurany righe, tedi piyi ni priprine nungoqi unje rupuqu pudi nungoqi oyi ni wand puaq wundiny ye.

Nungoqi wutaqu manyi ire ire God nungoqi yuwon nuauq di yembe yuwon ye non non neuq pre. Pugri bu nungoqi God ningg yembe ye wute yuwon ye was ningg, tedi God yembe kin kin neuq kin te oghine yembe wundiny. Te God nungoqi yembe neuq kin tende pe nungoqi God ningg wute aye te ghav wundiny.

Wuti tughe ni wand bir nawo kin yembe neng, te muqdi ni God ningg nei nganye ei bir nawo. Wuti tughe wute aye ghav nindiny kin te ni gre God neng kin tende pe ei wute aye ghav nindiny. Te ei wute buagi nungoqi yumbo yumbo puq wen kin te ruqond di Jisas Kraist nde gri God nyamb rindivi viyo. Ni ningg ti di gre rise rise te kin rise ye. Te nganye.

Pudi nungoqi Kristen di Kraist nde dobu waru ye te ningg muq nungoqi yuqo wuraq te nungoqi minyuw wati segi kin, nungoqi quan nganye ei chumbuai wand. Nungoqi wute Kraist nde dobu waru ye nyamb te ningg ei chumbuai wand di God nyamb wundivi viyo.

Yumbo yumbo buagi pre kin ngeri te tumo rind. Pugri bu nungoqi nei isis wamb wayequ di yumbo ur brequ buagi te ningg ei yeng wawo yuwon, te ei nungoqi God ane wand kin tuqui.

Nge mand nganye, mai di yuqo quan nganye nungoqi ware ye te ningg puye wand di wari, “mai ren brequ nganye beghi nde rindi” puq wand wayequ. God ni mai te rar nuqond nungoqi nde rindi ei ni nuqond nungoqi gre pu yequ o segi. Nungoqi yuqo ware kin te Kraist, wuti God naip no wute nate ruwi ningg nandi kin, ni yuqo niraq kin pugrine bu nungoqi mune wuraq. Pugri bu nungoqi te ningg chumbuai ei wand. Otiwo Kraist nikin ti di gre yumbui ane raqene nandi kin tende puayi di nungoqi oyi umbo yuwon gud di quan nganye chumbuai wand.

Wute aye God nei rimbig kin nungoqi nde rindi te ni sabi wundiny yuwon. Di te ningg chumbuai ei wand, minyang wand wawo yeru.

Pugri bu God nde nei pe wute ninge yuqo riraq ningg nari muq yuqo riraq, te muqdi ni ghimbi di nei buagi te God wuti ni yembe nindiny kin ninde si wam ruang. Ni nei ninde rundub gre di yumbo ur yuwon kinne rind. Ni yumbo puq nen puq nand kin te nganyene puq nen ye.

Kraist ni ghimbi yuqo nare, pugri bu muq nungoqi mune ni nei namb kin pugrine ei nei wamb di nei te kin wat vise gre. Te pugri wuti iri ghimbi pe mai isis nare te ni yumbo ur brequ kin gre si nare pre. Pugri bu muq ni ghimbi ane nasne kin ven nde puayi ni God ningg nei pene ei nas, asi kin nei brequ pe nas kin te pre.

Nungoqi Kraist ningg wute te ningg bu ni nungoqi wand brequ runduq te nungoqi chumbuai wand. Te pugri nungoqi nei wamb God ningg Ququ, te ti di gre yumbui kin Ququ, nungoqi nde nas.