Popular Bible Verses from Romeni 12

Share

Ro jade uri e ume igeko Godi naebe ma vierafevo bu kenoevo ijiege kenoevo. Ro ni arega Godi fu oe jone ije kena una mukoreigia amaeriajiaga ja irere fu vierafemo ijiaru renoedufuo. Ro kuke ja una vame mukore ro ire ije Godi fu oemaedufuo ijiaru vierafenoekinu kenoeke.

Ijadufuo erafano, Godi fuka vame binobino ijia oefiane nuvuone guokinu ifejuome. Ijadufuo naka ja soesoena kiavono oe jone boeje ka zinone akae igege kena Godi vajana fuefuo imefo. Ja ijiege rekuva ije jane vame maeje Godi fu oemaedufuo ja ijene renoeve.

Ro ja ma vierafega Godi fu rade ire ma bino jone rekuma ije nika oemarekinu samua karinoefo. Ro kuke ja oenoene vajae fiane binobino biediana isejavaekuva ije nika sone oe vafaena biediafo. Rove maza boeje nika giriesana Godido baname isoekinu karinoefo.

Ro jade arega e ije ise revo ijiebe iraraena ja asidiavo. Ro nika jare giriesana una e ije bu jone ise revo ije ma rejiaga bu ijia oe kuderia areme ise bu revo ije arefo.

Ro jaeje jane Godina agane besu reva ijadufuo nika mukoreigia jone oetuanamifo. Ro kuke nika izege ja kairafa jone mukoreigia aguariadufuo ije abe ireobo vierafenoefo.

Ro igia fie, ja e gue oetuakuva jade surive ijia oetuavo ro nika oe jone ijiakuma bu oetuafo. Ro kuke vame ise ije nika mukoreigia giana ijuone areme ni una Godido nidua ijia vame maeje ijiaru ni veradiana kenoefo.

Ro kuke nika giriesana Godi daro fu miaema ije dabe e ije bu ise revo ije turaejiafo. Ja ijiege rekuva ja e boejena kafae karike.

Ro erafano e bino bu ise bino jone rekuva jade una ve gue ise rekuae vierafevo. Ro ni arega fu Godire e ije ziegafiana kame isekafiafo. Ijadufuo maeje Godi fune buki akae bu isuibe isoeva ijia ijiege kuae, Erare bu ise bino jone rekuva Godi naka e darokido nare una ve gue bu dabe isekafiakono kuae.

Ro jade mamoekiro nika giriesana E Ireobo ijadufuo i ije menofo. Ro kuke nika oe jone ro kavene jone ijiakuma E Ireobo ijadufuo i ije menoefo.

Ro Godi fu fuone maeje fuka abena na mie ijadufuo na e besubesu ja kuariavono jade aroekarana kojo ive jone kame ajiavo. Ro nime sone oe vafaena mukoreigia vierafekinu kenoefo. Godi fune e besubesu ma vierafevo ije vajiae ijadufuo ni kojo jone izege ja ma vierafevo ije giakinu kenoefo.

Ro igia fie, e bino bu ise bino jone rekuva jade una ve gue ise rekuae vierafevo. Ro nika maza boeje e boeje ijiebuo nidua ijia ire ma ijiaru mimatana renoefo.

Ro ja e boejena karinoekuva nika mauike buine kafaena karinoekiro jade aroekaravo. Ro kuke ja i isesina gue menoekuva nika e ijue baki rena oemarekinu menoefo. Ro jade vierafero ja ire boeje jane mukoreigia vierafevaro uri aroekaranoevo.

Ro kuke fu kuae, Erare fu ja ziegafiamo ije fu vasiaoekuma nika ire bino vajaga fu ifo. Ro fu do duaekuma ni do ijafo. Ja ijiege rekuva e ije ziemo ije fu vame maeje ja fuone revo ije gana una ise fu rema ijadufuo jaeveke.

Ro e gue bu ja arafiriana vua ise joesina kuariakuva ni Godi kua fu una e ije buone ma rejiafo. Ro jade Godi kuaga fu bu kame isekafiamo. Ro maza ije e bu oemarenoevo ije ni buina oemarefo ro bu oefiane abevoga ni buina oefiane abefo.

Ro ja giaga kairafa jone bino bu sinuome bakikuva ni jone ja naeva ijia bino ivajiafo. Ro kuke ni e ije bu ae mumabo ruovo ije oemarekinu kaenamia gire jone ijia uniafo.

Ro na vua be bija kuariako ni fiefo. E ige vajae nuvuone foteke ije fune besu rove vajae gome buka boeje. Ro vajae gome boeje bu i besu mevo baki ro buka i binobino meve. Ijadufuo vame besu ijiege e ije no Jesu Kuraesi ma vierafevo ije noka e uruvana rove no uria vajae besu igeki. Ijadufuo maeje noeje none Jesu Kuraesina agane besu rei. Ijadufuo noka vame binobino ijia nuvuone ganamikinu ifejianamike.