Popular Bible Verses from Nabasi 22

Share

Areme E Ireobo fu doniki ije dabe niromoga fu uri Berame kuae, Na irere reva ijadufuo a na maza inokubeke ifiemano kuae.

Areme E Ireobo fune ijia uri Beramedo ni ije ke kuderiamoga fu ijia anera ije fu sime farena vame ijia manino ijene gae. Fu ije ga areme uri fu manino ijia auge sana tua uimutumutu sakaedo ijia dije.

Areme E Ireobo ijadufuo anera ije fu kuae, A irerefuo doniki one ije maza inokubeke ijiege ifi? Doniki one fu na gie ijadufuo fu maza inokubeke dasuvae. Ro fu naebe ijiege dasuvaebitie na ivia a kanaga doniki one na aredufuo. Ro igia fie, ige na ruaeva ije na a bijukurakiro ruae. Ijadufuo maeje irere a rekiro ruomo ije naka naebe oemarevano kuae.

Berame fu ijiege kuaramoga doniki ije fu kuae, Naeje na mave-doniki one ije a maza boeje abena oenoeno ijene. Ro a vierafega nabe ude a dabe ijiege ire bino isema revano kuae? Fu ijiege kuamoga Berame fu kuae, A bakino kuae.

Doniki ije fu ijiege kuamoga Berame fu ije fiemo fuka oeserei. Areme fu urina doniki ije kuae, Are naeje aka dabe e ome ise igege rema ijadufuo na ije kanae. Ro na ivia sime fare ruovobitie na dabe bija a baronekono kuae.

Anera ije fu ijia maninoga doniki ije fu gana ijia umeke namoga Berame fuka ma ireobo defaruimo fu uri ine dabe urukeigia ifi.