Popular Bible Verses from Nabasi 14

Share

Ijadufuo jade uri e ije aesakae ijia kariva ije jumena E Ireobo ije ijuonevo. Ijadufuo maeje godi buone ije bu vafaedufuo ije buka daro baki. Ro no E Ireobo ije fu noena ijadufuo no vakuva nore iraraena e ije kaniakono kiae.

A koro kuae, Na E Ireobo naka migegire defarudiemo baki ro none na e oetuavo ije fuka maza boeje ijia navako. Ro kuke na e ije bu oe kuderiakinu na kumevo ije ise buone na giana arevo. Rove e ije eranebe uria ise revo ije na kame isekafiake. Na ijiege rekinu anafa buone ijiakiro uifari buone ijiebuo ise ije na uria kame isekafiakinu vake.

Ijadufuo E Ireobo fu no oemarejuokuma fure kaenamuona va aesakae ije ire zaraema ije abena no muoke.

Ro Kerabi e i none meno ije fuosukua fu mukoreigia vierafena irere na kuariaeva ijia rei. Ijadufuo na mesirina aesakae ije fu gana ruaema ijia vaga uifari fuone bu aesakae ije abeke.

Ijadufuo ni vua ige e ije kuariana va kia, Naeje na ma kuaria na vua irere ja kuaevo na fieva ije na reke.

Areme E Ireobo fu Mosisi kuae, E ije bu maza izege na oe isema vierafekinu na ijuoneke? Bu ire sumiki daroki ma uruvana ije na buone revo ije buka naebe giena ma vierafe.

Areme muge ijia e Isureroko boeje buka ma urukeigia niraena vijeko vakuma ve irasei. E boeje buka uri Mosisikiro Eroni madiana kiae, Janika areke no Ijifiti ijia ro ba ae sao ijia karinoena oega fuka marekuma.

Ro Josua e Nanedo fari ijiakiro Kerabi e Jefunedo fari ije bu aesakae Keinani ninakokuae vaeva ije bune uri izege e Isureroko ije bu Godi ma vierafekuae totenamivo ije giavo buka ireobo oefiadiae. Ijadufuo bune uri ugone buone bu saeva ije kame farae. Areme bune uri e Isureroko boeje bu ijia afuiva ije kiae, Aesakae ije no urana vakinu ninakoeva ije fuka mukore.

Ijadufuo nare vua ige ka gikikimana kuaedo e ije ada girenoejo ije bube are ije na abe bu miako kuaeva ijia vake. E boeje bune izege na Ijifiti ro ae sao ijia buina finoevo ije sanaema none bune gae. Ro kuke bune izege na daro none ijia ire sumiki ije buone revo bune gie. Rove buka na ijuonena naebe irinie ro buka una ise rekuae vierafevo. Ijadufuo e besukuae be fube aesakae ije gake.