Popular Bible Verses from Maki 10

Share

Vame besu ijiege Ema ijiebuo Fari ige na ruaeva ije na e ireobo rekiro ruaeva baki. Ro name e be fu e befuo imeno na ijiege rekiro ruae. Na kurosi ijia baronena kavuane none ijia usiaena e boeje karauniakiro na ijadufuo ruaevano kiae.

Bu ijiege karina bue kuaevoga Jesu fu kiae, Fu e be erare vierafe fuone ro vame fuone fu kenoeno ijia fu manima baki. Ro fune Godire fuosukua fu manido fu era fu vierafema ije kuaga fu una Godido e ije fu oe buone ije samuagiamo ijena besu maziekono kiae.

Ijadufuo Jesu fu una kuae, Eko one a ma vierafema ijare a kenujaemano ni oemarekinu vano kuae. Fu ijiege kuamoga saroruba e ijadufuo ni ije fune una nafaemoga fu uri Jesu nuvena vae.

Rove iko zinume Godi fu aesakae ige amaerima ijia fu kuae, Godi fu e fari amaeri ro bara amaeri. Ijadufuo e fari ije fu uri asoe fuone ijiakiro asie fuone arena una bara fuone ijiaki finoke. Bu ijiege karinoejo ijia buneka una buobiki vajae besu reke. Ijadufuo bu vajae inokiro baki ro buka besu. Ijadufuo bara ije Godi fu abena una e fari ijiaki besu uniaeva ije e bino bube kena ata binobino uniakono kuae.

Areme Jesu fu uri e ije gana areme fu oetuakinu kuae, Eko, ire boeje ane remo ije fune marei. Ro nine va ire besu igene rene. Ni va sinuome one boeje karina una e guebuo fuaevene. Areme ni moni ije abena una e sinuome baki ije vajia areme ni urina na nuvedieno kuae.

Areme Jesu fu kuae, Na irere ije rejakiro a ije vierafemano kuae? Fu ijiege kuamoga e nikuzeki ije fu una kuae, E nijasiamo na vierafe a ni none ige amaerijiega na una ni nafaeno kuae.

Rove igia fie, vame ijiege bu kevo ije jadua jade ijiege kevo. Ro erare fu vierafe fuka joefuo e ireobo rekiro vierafekuma e ije fuka una joefuo imedufuo.

Ijadufuo ni vua ige na kuariakuvejo ije mukoreigia fiefo. Erare fu ame isesina ige bu na ma vierafevo ijiege Godi ma vierafekuma fu e ije Godi fu oe buone ijia samuagiamo ijena besu maziedufuo. Ro fu bakuma fu izege una buina maziekuma bakino kiae.

Ro igia fie, erare bu ude vakuae vierafevo ije rade bu una rane gamia iredufuo. Ro kuke erarebe iviama rade irevo bu una ude irekono kiae.

Rove iko zinume Godi fu aesakae ige amaerima ijia fu kuae, Godi fu e fari amaeri ro bara amaeri. Ijadufuo e fari ije fu uri asoe fuone ijiakiro asie fuone arena una bara fuone ijiaki finoke. Bu ijiege karinoejo ijia buneka una buobiki vajae besu reke. Ijadufuo bu vajae inokiro baki ro buka besu. Ijadufuo bara ije Godi fu abena una e fari ijiaki besu uniaeva ije e bino bube kena ata binobino uniakono kuae.