Popular Bible Verses from Matiu 19

Share

Bu ijiege kuaevoga Jesu fu kiae, Ema ije fu daro baki ijadufuo fu izege korofuo fue kenujanamikuma baki. Ro fune Godire fuosukua manido fu e boeje karauniakono kiae.

Ijadufuo bu buobiki bu inokiro baki ro buka vajae besu. Ijadufuo bara ije Godire abena una e fari ijiaki besu maziema ije e bino bube ke atana binobino uniakono kiae.

Rove Jesu fu una gue kiae, Ro ja buki kafare be bu isoena kuae, Iko zinume ijia Godi ije ire boege amaeriaema ijare baru bara amaeriaemano kuaema ije jabe dana gae? Ro kuke buki kafare be bu ijiege isoena kuae, E fari ije fu uri asoe fuone ijiakiro asie fuone ije arena una bara fuone abeke. Bu ijiege maninamina besu karinoejo ijia bu una buobiki vajae besu rekono kuae.

Rove Jesu fu una kiae, Ja ame isesina ije jade kuriaerekiro ni arega bu kaenamia ruafo. Ijadufuo maeje e ije erarebe bu ame isesina ije bu asoe buone ije ma vierafevo ijiege na ma vierafevo ije Godi fu e ijieki ijiebuo oe ije samuagiakiro vierafemano kiae.

Ro igia fie, erare be bu iviama korobuo kena e anuigi igege vierafenoejo ije bu rade una e isesina redufuo. Ro kuke erarebe bu iviama korobuo kena e isesina igege vierafena kenoejo ije rade buka e anuigi redufuo.

Ro erare fu are ro uviarafa fuone ijiakina makirafa ro orafa fuone ro anafa ijiakiro juare fuone ije noefuo ijuegafiamo e ije fu una kuke ire ma bino uruvana kedufuo. Ro kuke fu vame ma karivako ije abena ijia fi vake.

Areme Jesu fu una kuae, A vierafe aka maturaekuma ni va sinuome one boeje ke fuaevena moni abe e sinuo baki ije vajia areme ni una na nuvediene. A ijiege rekuma a vame ije maza boeje ma karivako ijene abekono kuae.

Fu ijiege kuaramoga Jesu fu una gue kuae, A irerefuo ire maeje rekiroga ireobo vierafena kieme? Fu e be erare fuka e ma baki ro fune e besu Godire fuosukua fu e ma. Ijadufuo a vame ma karivako ije abekiro vierafekuma ni Godido akae ije iriniano kuae.

Ro igia fie, mave-kamero ije fu fanu ma ireobo be. Ro sieme tire ije fuka isekube ijadufuo fu tire ijia aru vakuma fuka ma gikikimana. Vame besu ijiege ro e ije sinuome zaraema fu e ije Godi fu oe buone ije samuagiamo ijia buina besu maziedufuo ije fuka ma gikikimanano kiae.

Ro na kuariako fiefo. E be fu bara fuone abe ro rade fu ijuonena rorukuraga fu una bara be abekuma e ije fu bara ijene daturame. Ro bara fuone amure ije fu baru be naebe daturae ro fume rorukurakuma fuka naebe marekono kiae.

Areme Jesu fu una e vua fuone fievo ije kiae, Vua ige na ma kuariave. E be erare fu sinuome uruvana zaraema ije fu agane ije Godi fu oe buone ije samuagiamo ijia buina besu maziedufuo ije fuka ma gikikimana.