Popular Bible Verses from Iko Zinume 39

Areme e Josofu fune e ireobo fuone e Ijifitiko ijadufuo are ijia fina fuefuo imei. Fu ijia fina imekoga E Ireobo Godi fuka Josofu marejana mukoreigia ifejakoga fu ire boeje mukoreigia renoe.

Ijadufuo Fotifa fuka uri ire boeje fu abema ije fuka kena una Josofudo umui tare ijia nana kuamoga fure samuagiae. Ro Fotifa fu naebe una ire ijene vierafe ro fume oenoena kiaga bu ire ijiaru vajaga fu inoe. Ro e Josofu fuka e nikubae mukore ro kuke fuka e daroki. Areme rade maza be e ireobo fuone ijadufuo bara ije fu oenoekinu gaba urina Josofu kuae, Ani ro nosiki naeno kuae.

Ijadufuo e ireobo dibure samuamo e ireobo ije fu Josofu abenoga fure una e dibure karivo ije gue samuagiakinu ro ire boeje binobino ijia redufuo fu ije kuariako bu renoe.

Ijadufuo fu uri e Josofu dabe kini ijadufuo dibure are be bu e dibureko uniana samuagiavo ijia nujae. Rove maza ije Josofu fu dibure fino ijia E Ireobo Godi fuka uria ijia fuosiki fikinu samuae. E Ireobo fuka Josofu marejana ifejakoga fu ire boeje binobino mukoreigia renoe. Ijadufuo e ireobo dibure samuamo ijiakiro e dibureko gue bu vame fuone mukore ije fu kemo ijene gae.

Ijadufuo Fotifa fuka uri ire boeje fu abema ije fuka kena una Josofudo umui tare ijia nana kuamoga fure samuagiae. Ro Fotifa fu naebe una ire ijene vierafe ro fume oenoena kiaga bu ire ijiaru vajaga fu inoe. Ro e Josofu fuka e nikubae mukore ro kuke fuka e daroki. Areme rade maza be e ireobo fuone ijadufuo bara ije fu oenoekinu gaba urina Josofu kuae, Ani ro nosiki naeno kuae. Fu ijiege kuamoga Josofu fu ijuonena kuae, Na e ireobo none fu ire boeje gire igia naovo ije fuka kena una daro none ijia naejie. Fu na ma vierafema ijadufuo fu naebe una ire ijene uruvana vierafei. E boeje are guove igia imejo ije bu e anuigi baki. Naeje nare nosukua ire boeje fu vajiema ije samuagiave ro a osukua a bara fuone. Ijadufuo ro na izege uri Godi fu fina gieke na nidua fuone ijia vame ka omise ije rekono kuae?

Areme maza be Josofu fune una gire ijia i fuone ijene mekiro aru vae. Ro maza ije e gire ijia buka ma baki. Ijadufuo Josofu fu vakoga bara ije fu urina ugone jiagadogo fu abiema ijia farena uri kuae, Ani ro nosiki naono kuae. Bara ije fu ijiege kuamoga Josofu fu ijuonena keke kona vaga ugone fu ijia arene vakoga bara ijare abei.