Popular Bible Verses from Romu 14

Share

Xo saxisaxila'u noxou Lataua ne anu mii sou la'ilali xe mii sou lexa e taiexu 'o uasi. Ia 'ilixo maninasou sou saxisaxila'u noxou Lataua ne, ane 'ilixo mulapu, mo opo se'isisi, xe 'osa'ila e Uleenu Tavuna uxalixu no anu maulingenge. Xo itema e umulinu 'ilixo aloxo ne, mo u'oxonu xaixai noxou Kalisito, la Lataua umasaxau no anu 'ilixo noxou, mo ta mitema kalumo ivikalasou laixe.

Lexe nenge taxolu tamaumauli la anu mii noxou Tila. Mo lexe nenge tasoli la anu mii noxou Tila kalumo. La sou lexe nenge taxoxolu ta maumauli mo lexe nenge tasoli kalumo ne, la anu mii noxou Tilasi.

La sou anu laixe lexe nenge tatovonu xavinenge mo ta'oxonu 'ili'ilixo e umomomo sou uxalixu opo vilesisi no tainenge, mo 'ili'ilixo sou u'oxonu pekia'u loopala noxi'a ta menexinge la u'oxone'i ileme no anu uleene'i.

Aloxo ne la sou anu laixe lexe nenge takalu no anu 'ilixo sou tatilovosou 'ilixo noxi'a ta vivinge. Ia taxavutala laixe mo tatovo tamulinu xavutala vileli, mo sou tatovo sou ta'oxonu mii vile uxolu sou utaluxu vote'isi'a xe ta'oxonu uai sou itulakisou la u'oxone'i ilapau no anu susu mamu.

Xo kaukavu muai no nano no anu Lavuku Tavuna teinu noxou Lataua muvikala aloxo 'o. “Eni Tila, eni axolu amauli utotomu, eni evikala manina. Ta mitema tavu'alo no lia 'o ine'e noxilo la ixola'u tava'a sou ilotu noxilo, la ivikala lamana lexe eni Lataua maninasou.” La sou nenge vilevilesi tatulu sou tapala'alixu 'ili'ilixo menge noxou Lataua.

Itema vile umuxaxu tanu ia loopala noxou ne pekia'u uao, la laixe sou ngano'u u'una no anu lalotu, ia ngatovonu sou nga'otoxu no anu vaivaikala sou mimii iouiou mo nga'oto'oto no ananenge uasi.

Nini 'ena'ei sou natilovosou 'ilixo noxou itema sou xaixai noxou itema vilemo ne? Lexe anu utulu pekia'u no anu xaixai noxou xe lexe ulapau no anu xaixai noxou, la anu mii noxou tilasou. Ia anu utulu pekia'u no anu xaixai noxou xo Tila anusi mumomomo sou u'oxonu utulu pekia'u.