Popular Bible Verses from Romu 10

Share

Lexe nini navikala lamana no anaxene no ie'i ta mitema lexe, “Iesu anu Tila.” Xe namuxaxu taneni lexe Lataua mutulusou no lulu, la Lataua upamaulineni.

Xo nenge temuxaxu tanenge noxou la sou Lataua umoxo'inge lexe nenge ta mitema telapu, xe no anangenge tapala'alixu lexe nenge temuxaxu tanenge noxou la sou Lataua upamaulinenge.

La sou nenge telavusou lexe nenge talomusou vaikala noxou Lataua, la sou nenge tamuxaxu tanenge. Nenge talomusou a'alo ne, anu molu noxou Kalisito.

Aloxo vaikala muai no nano no anu Lavuku Tavuna teinu noxou Lataua muvikala aloxo 'o, “Ta mitema e mimuxaxu tane'i noxou, la imomomo sou iulua uasi.” La sou ta Iutaia ilo'a ane'i ane ta Iutaia uasi ne ane'i mixali vilesisi mo Anu muxali Tila noxi'a ane'i mukalusi mo Anu ualusi'a ane'i ane ilavusou i'ava sou su'uli ulai noxou. La sou, “Ta mitema ukalusi e ilavusou ilinga sou su'uli no ualasou Tila, la Anu upamauline'i.”

Mo lexe ipalusi'a ta mitema sou ilai ia'alo uasi, la sou nexi taa'alo a loxovaa? Aloxo kaukavu muai no nano no anu Lavuku Tavuna teinu noxou Lataua muvikala aloxo 'o. “Anu laixe manina noxi'a ta mitema e sou ine'e ia'aloxu a'alo laixe noxinge.”

Ia lexe ane'i imuxaxu tane'i noxou uasi, la sou ane'i ilinga sou su'uli a loxovaa? Mo lexe ilomusou a'alosou uasi, la sou imuxaxu tane'i noxou a loxovaa? Mo lexe itema vile uaaloi'a uasi, la sou ane'i ilomusou a'alo ne a loxovaa?

Xo nenge telavusou lexe Kalisito mune'e la mukalusou 'ilixo sou imulimulinu lapuloto ne, mo sou ane'i imuxaxu tane'i noxou la ane'i latala ne ixali ta mitema milapu no iou Lataua.