Popular Bible Verses from Matyu 19

Share

Mewö jigetka Jisösnöŋ uba eŋgeka kewö jiyök, “Ambazipnöŋ mi esapköba osiba qakömakzemö, Anutunöŋ mönö yuai pakpak ölöp ahakza. Yaŋön yuai kun aka memamgö qahö osiba qakömakza.” Mewö.

Mewö aka toroqeba yahöt qahö akzahotmö, sile mohot aka malmahot. Anutunöŋ azi aka ambi mindirim etkiyöhi, ambazip kunöŋ mönö i kude mendeŋ etkima.”

Qesim waŋgigetka meleŋda kewö jiyök, “Miwimiwikŋai Toŋan lök könakönahiŋeyök i ‘azi aka ambi malmegöra miwikŋaim eŋgiyök.’ Buŋa keu mi oyoŋget me qahö? Miwikŋaiba kewö jiyök, ‘Miaŋgöra azinöŋ mönö iwinamŋi etkömosöta anömŋaŋgöreŋ anda qekötahöiga yetkön sile mohot aka malmahot.’ Keu mi oyoŋget me qahö?

Mewö aketka Jisösnöŋ kewö jiyök, “Nahönbörat moröŋi mi ölöp eŋgömosötketka nöŋgöreŋ kame. Suepkö Toŋan ambazip mewö mia bemtohoŋi buŋa qem eŋgima. Miaŋgöra i kude jöhöm eŋgime.”

Mewö asuhumapmö, mutukŋi eŋgöreŋök gwötpukŋan dagibezupŋi aketka dagibezupŋi yeŋgöreŋök gwötpukŋan mutukŋi akŋe.” Mewö.

“Kunŋan nöŋgö qetnaŋgöra aka yuai kun mosöröhi, - mi jike miriŋi, darumunŋi, nenbehötŋi, iwinamŋi, nahönböratŋi me nup kisiŋi - mi eŋgömosöriga Anutunöŋ mönö miaŋgö likepŋi oŋgita meleŋ waŋgiiga sehima. Mewö sehiiga malmal köhöikŋi teteköŋi qahö buŋa qem aŋguma.

Mewö jiiga Jisösnöŋ jiyök, “Gi aködamungabuk malmamgö mötman ewö, mönö anda sukinapki söŋgöröŋi memegöra alnöŋ moneŋ kaiga ambazip wanapŋi eŋgiman. Mewö aknöŋga sukinapki ketaŋi (guli masapu, milyön Kina ewö) mi Suep mire ahöm gihima. Mewö aka ni nuataŋgöba kaman.”

Qesim waŋgiiga kewö jii mörök, “Ahakmeme ölöpŋi denöwö, wuanöŋgöra mewö qesim niŋgizan? Mohot-kunŋan mönö ölöpŋi akza. Malmal köhöikŋe aŋgotmamgö mötman ewö, mönö jöjöpaŋ keu tem köla malman.”

Mi kewö jim tuarimam: Sömbup ketaŋi kamel mi kondi kinimŋe ölöp qahö aŋgotma. Miaŋgö dop ambazip pomŋi yeŋön Anutugö bemtohoŋ uruŋe aŋgotpingö lömböriba qaköme.”

Nöŋön kewö jibi mötme: Anömŋan qesabulum qahö ahiga töndup wuataŋgöba ambi kun memawi, yaŋön mönö sero yoŋgorö akŋa. Kunŋan ambi mosötmosötŋi memawi, yaŋön mönö sero yoŋgorö akŋa.”

Mosöta aniga Jisösnöŋ gwarekurupŋi kewö jii mötket, “Nöŋön keu ölŋi kun kewö jibi mötme: Yei! Ambazip pomŋi yeŋön mönö Suepkö bemtohoŋnöŋ aŋgotpingö lömböriba kupuk-kapak akŋe.