Popular Bible Verses from Matyu 16

Share

Nalö miaŋgöreŋ Jisösnöŋ gwarekurupŋi keu kewö jii mötket, “Kunŋan nöŋgö andöne kamamgö mötzawi, yaŋön mönö nanŋi urusileŋaŋgö sihim kömbönaŋi bölöŋi andö qeiga sisitŋi megetka sihimbölö mi bisimakŋa. Mi maripomnöŋ kömumawaŋgö dop mökösöŋda ni nuataŋgöba kama.

Nöŋön kewö jibi mötman: Gi Pitö (nanine keunöŋ jamönjiŋ) aknöŋga nöŋön jamönjiŋ miaŋgö qakŋe urumeleŋ könagesönaŋgö tandöŋi albi naŋgöm eŋginöŋga uruŋini möhamgöba köhöiba kinme. Göŋön i galöm köl eŋginöŋga kömup Toŋan i senjom mirigö kiripo naŋguŋe öröm eŋgimamgö osima. Ömewöröme tosatŋi yeŋgö kukösumŋinan mewöyök i köndeŋda luhut al eŋgibingö osime.

“Nöŋön Suep bemtohoŋaŋgö ki moröŋi yahöt gihimam. Gi gölmenöŋ siŋgisöndok jöhönöŋga miaŋön mönö Suep mire mewöyök jöhöjöhöŋi ahöma. Gi gölmenöŋ siŋgisöndok mosöta pösatnöŋga miaŋön mönö Suep mire mewöyök pösatpösatŋi ahöma.”

Kunŋan malmalŋi nanŋaŋgöra aŋgön köla nanŋi imbi-imbi maljawi, yaŋön mönö malmalŋi ölŋi jöhöi sohoma. Sohomapmö, kunŋan gölmegö malmalŋi nöŋgöra aka köleŋda tököm niŋgimawi, yaŋön mönö malmal ölŋaŋgö könaŋi miwikŋaiba köhöiba malma.

“Kunŋan gölmeŋi gölmeŋi mieŋgö öröyuaiŋi pakpak köl öröiga buŋaŋi an teköiga uruŋaŋgö malmalŋi mem sohoba silebile mala kömuiga Anutunöŋ keuŋi jim teköiga uŋaŋan ayuhuiga qahö dop kölma. Sukinapŋi miaŋön mönö urusösöŋgai qahö ak waŋgima. Qahöpmahöp. Körek neŋön mönö bohonini jöhöm aŋgubingö osibin.

Mewö jigetka kewö qesim eŋgiyök, “Aka nanŋinak nöŋgöra denöwö jize? Ni niŋia akzal?” Qesim eŋgiiga Saimon Pitönöŋ meleŋda jii mörök, “Gi Amötqeqe Toŋi Kraist aka malmal Toŋi Anutugö Nahönŋi akzan.”

Mewö jiiga Jisösnöŋ meleŋda kewö jii mörök, “O Saimon Jonagö nahönŋi, gölme azi sep busuŋambuk kunŋan qahöpmö, nöŋgö Iwini Suep mire maljawi, yaŋön mönö keu mi göhöreŋ indelök. Miaŋgöra göŋön mönö simbawoŋ akzan.