Popular Bible Verses from Matyu 12

Share

“Mewö jimakzapmö, nöŋön keu ölŋi kun kewö jibi mötme: Ambazipnöŋ soŋgo walöŋda keu jit omaŋi omaŋi jimei, yeŋön mönö keu pakpak miaŋgö könaŋi mi jimtekötekögö nalö ketaŋe Anutugöra jim asarigetka kewötma. Miaŋgö könaŋi kewö: Anutunöŋ mönö keu jitki kewöta miaŋgö dopkeugi jim teköi solaniman me keugabuk aka lömböt miwikŋaiman.” Mewö.

Azi uruŋan yuai kokolak qei ahözawi, mia mönö numbuŋan aukŋe jimakza. Miaŋgöra qatögö moröŋi iŋini, nanŋinak bölöŋi aka mönö denöwö keu ölöpŋi jibeak?

Azi ölöpŋaŋgö uru köweŋe ölöpŋaŋgö möriamŋi ahözawi, yaŋön mönö ölöpŋi mi aukŋeyök jimakza. Azi bölöŋaŋgö uru köweŋe bölöŋaŋgö möriamŋi ahözawi, yaŋön mönö bölöŋi mi aukŋe jimakza.

Miaŋgöra nöŋön keu kun kewö jibi mötme: Ambazip siŋgisöndok aka mepaqepaik pakpak ahakzei, mi Anutunöŋ ölöp mosörakzapmö, kunŋan Uŋa Töröŋi ilita mepaikömawi, miaŋgö siŋgisöndokŋi Anutunöŋ mönö nalö kunöŋ qahö mosötma. Saumbaŋ!

“Ipkö könaŋi mi ölŋi eka kewöta mötzin. Miaŋgöra mönö ip galöm kölgetka ölöwaka ölŋi ölöpŋi kuŋgumakŋa me ip mem böligetka ölŋi bölöŋi kuŋgumakŋa.