Popular Bible Verses from Matyu 10

Share

“Mötket, lama yeŋön arökŋaŋgö kiam kalŋi yeŋgö sutŋine gegetka luhuba eŋgöhöbepuk, nöŋön iŋini miaŋgö tandök ewö melaim eŋgibi anme. Miaŋgöra mönö mokoleŋ ewö mötkutukutu qakŋe galöm mem aŋguba mala kembö ewö ambazip bönjöŋi köpösihitkö keuŋini qahö malme.

“Kunŋan nanŋi malmal siyoŋsayoŋi qahö mi miwikŋaimawi, yaŋgö malmalŋan mönö sohoma. Kunŋan nöŋgöra aka malmalŋi köleŋniga sohomawi, yaŋön mönö oyaeŋkoyaeŋ malmal miwikŋaima.” Mewö.

“Tosatŋan sileŋini qem kömumbeakmö, uŋaŋini qem kömumbingö osimei, yeŋgöra keŋgötŋini kude möta malme. Mi qahöpmö, yuai mutukŋi ki: Kunŋan kukösum memba uŋa aka sile mohot ayuhum etkiiga könöp sianöŋ gemahori, yaŋgöra mönö keŋgötŋini möta malme.

Sisitŋini megetka kunŋan ni nuataŋgöba sihimbölö möta maripomnöŋ kömumamgö qahö jöjörömawi, yaŋön mönö nöŋgöreŋ qahö dop kölma.

“Mewö aiga kunŋan ni ambazip jeŋine jim miwikŋaim niŋgimawi, nöŋön mönö mewöŋanök i Iwini Suep mire maljawaŋgö jeŋe jim miwikŋaimam. Mewömö, kunŋan ni ambazip jeŋine qaŋ köl niŋgimawi, nöŋön mönö mewöŋanök Iwini Suep mire maljawaŋgö jeŋe qaŋ kölmam.” Mewö.

“Ambazip kawölŋinambuk mönö mem ölöwak eŋgiba kömukömuŋi mi mem gulim eŋgiba malme. Uzikuku ambazip mönö mem solanim eŋgigetka öme wöröme közöl eŋgiba malme. Anutunöŋ yuai kalema eŋgiyöhi, mi mönö toroqeba kalema eŋgiba malme.

Ambazip eŋgö söŋgöröŋini mi bekösöm ulisit gwötpuk eŋgoŋgita öŋgöŋgöŋi akza. Miaŋgöra keŋgötŋini mönö kude möta malme.” Mewö.

Jisösnöŋ toroqeba kewö jiyök, “Kewö kude mötmörime: Jisösnöŋ luai qemamgöra aka gölmenöŋ erök. Nöŋön luai qemamgöra qahöpmö, nöŋgöra aka jula deŋgetka bimgö sou ketaŋan aume.